دلوقتي في بنت تقريبًا معجبة بيا. هي ما قالتش حاجة بشكل مباشر، لكن أنا شبه متأكد إنها مش محتاجة تقول، علشان التلميحات والتصرفات واضحة جدًا. هي بتهزر كتير جدًا، وبتتكلم كتير، وفيه تلميحات على الفاضي والمليان. أنا شخصيًا مش بحبها، ومش مرتاح من اللي هي بتعمله، ومش عارف أتصرف إزاي. أنا بتعامل معاها بلطف عادي، وبنفس درجة اللطف اللي بتعامل بيها صاحبتها قدامها، علشان تكون الأمور واضحة، وما يكونش فيه أي فهم خاطئ. كمان، لما بتقول كلام حلو، أنا مش برد بنفس الطريقة، وبكتفي بكلمة "شكرًا" وخلاص. بس في نفس الوقت، مفيش كلام صريح منها، يعني مش ينفع أقولها "لا، مفيش حاجة" لأن ما فيش أصلاً حاجة اتقالت! أنا فعلاً مش عارف أعمل إيه. هل أختفي من حياتها فجأة؟ ولا أكمل بتعاملي العادي وأتغاضى عن الحاجات الكتير اللي بتعملها؟ ولا أتكلم بصراحة في مرة وأوضح إن مفيش أي نية لارتباط أو اهتمام خاص؟ أنا محتاج رأيك بجد، لأن الوضع بقي مش مريح ومش عارف أتصرف فيه. الموقف ممكن يبان اني جاي افتخر ان بنت بتكراش على و ده مش حقيقي مش بفتخر بحاجة انا فعلا مضغوط و مشتت من اللي بيحصل

1

5