ماما مش راضية عني وانا خايفة اسألها

Question

السلام ععليكم
انا بنت صغيرة عندي 12 سنة. حخش في الموضوع 
انا بنت مشاغبة من و انا صغيرة و تصرفاتي كانها تصرفات ولاد، بدايق ماما كتير و برجع اصالحها و برجع اكرر الغلط تاني، ماما مش بتقصر معايا ابدا ابدا ابدا بس و بتقعد تشرحلي الغلط مليون مرة فعلا، بس فيوم انا دايقتها جامد اوي اوي و زعلت مني و قالتهالي في وشي: "يا بنتي انا مش راضيا عنك ولا طايقة ابصلك و انا كل الي بعمله معاكي تأدية واجب مش اكتر" 
و رجعت صالحتها تاني بس من ساعتها و انا حاساها مش راضية عني و بخاف اسالها هي راضيا عني ولا لا. 
ارجوكم ما حدش يشتمني ولا يدعي عليا لاني صغيرة

Lemon_42101 🇪🇬 · Accepted Answer

انا ولدتي متوفية و انا في نفس عمرك كده انا دلوقتي 21 سنة و بقولك روحي خليها ترضى عنك بكل الطرق فرحيها هاتلها حاجة حلوة و  اقعدي في حضنها و شغلي اغاني و خليها تضحك عشان في يوم من الايام متندميش انك معملتيش كده

Strawberry_35712 🇪🇬 · Answer

بصي انا بردوا بحس احيانا أنها مش بتحبني بس لما تجرأت وسألتها لقيت أنها بتحبني جدا جدا وراقبي تصرفاتها هتلاقي أنها بتحبك

Coffee_32060 🇺🇸 · Answer

بصي انا شايف ان ده نوعا ما عادي و اعتقد عادي جدا انك تسأليها  اولا انتي صغيرة و تصرفك طبيعي في السن ده  بس الصح دايما اننا نحاول نسمع الكلام  و هي من تصرفها معاكي هي بتحبك  
اقتراحي انك تحاولي تسمعي كلامها و ممكن في وقت كده هتكون كلام صراحة و فضفضة منك و منها و وقتها تقدري تسأليها عادي مفيش مشكلة و ربنا يوفقك في حياتك

Strawberry_35712 🇪🇬 · Answer

وكانت بتقول كده علشان عايزة انك تتحسني علشان متندميش قدام

Sugar_35616 🇪🇬 · Answer

لو فضلتي من غير تغيري من نفسك للأحسن معاها هتموت مش راضيه عنك

Avocado_41907 🇩🇿 · Answer

دايما طيعيها و ادرسي كويس و فيوم صارحيها و قليلها انك آسفة ، حاولي يا حبيبتي تعقلي عشان متعبيهاش ، فكري فيها دايما هي احسن حد في حياتك 🫂💓

Mango_34965 🇪🇬 · Answer

لا يحبيبتي هي أكيد بتحبك وبدال بتنصحك كتير يبقا بتحبك يجميله هي بس هتلقيها زعلت منك عشان كده قالتلك كده انتي مفروض تكافئي ماما وتثبتيلها انك كويسه وأساليها هتلقيها بتحبك جداً اكيد عشان بس متفضليش باصه من منظور انها مش بتحبك ولازم تكافئي ماما وتبقي شاطره ومتعمليش الغلطات دي وتخليها تفتخر بيكي قدام الناس عشان كده مامتك هتحبك اكتر واكتر🤍

Mango_34965 🇪🇬 · Answer

بلاش كده عشان كده البنت هتبقا معلقه حب والدتها علي انها تسمع الكلام ولو مسمعتش كده هتكرهها ومش هتحبها يعني حرام كده

Chocolate_41655 🇪🇬 · Answer

بصي هو بتقول كدا وخالص بتعمل زي امي ساعات بس هي بتحبك والله

Strawberry_42174 🇩🇿 · Answer

شوفي يا حبيبتي مستحيل في أم نكره بنتها انتي واجب عليكي انك تراضيها بكل الأشكال لاننا مانعرفش امتى ربما بياخذ مننا النعمةعشان كذا  الافضل انك تحسني علاقتك معها