بنت تانية إعلام السويس بدور على شغل ضروري

Question

... انا بنت حاليا داخلة سنة تانية ف كلية إعلام جامعة السويس و لازم الاقي شغل ضروري عشان بابا و ماما بينهم مشاكل رهيبة و مش عارفه تطلق بسبب الفلوس وهو قالها في وشي قبل كده لو امك اتطلقت هرميكم في الشارع ... الجمله دي عمرها ما هتطلع من مخي في حياتي ... بس الحاجه الوحيده اللي ربطاها بيه الفلوس مع انه بيذلنا بيها و بناخدها بالعافية بس انا مش عارفة اشتغل ايه او ادور فين و ازاى عشان مشتغلتش قبل كده يا ريت لو حد يعرف اعمل ايه يقولي او ادور فين وايه الشغل المتاح ليا اصلا .. شكرا ليكوا

Apple_71528 🇪🇬 · Answer

حقيقى اب لا يستاهل هذه الكلمه ركزى فى دراستك وربك موجود لن يخذلك

Tomato_68027 🇪🇬 · Answer

ده ابويا!!!

Tomato_68027 🇪🇬 · Answer

انزلي دوري في محلات حريمي بس الاهم الشغل يناسب مواعيد الجامعه والمذاكره وربك هييسرها حتي لو. مش اشتغلتي

Potato_71955 🇪🇬 · Answer

اولاً ربنا يعينك ويقويكي علي الي بتمري بيه، ربنا يحفظكم إن شاء الله من كل شر وسوء 
لو بتتكلمي إنجليزي كويس في شركات كتير كول سنتر و cold calling بتقبض بالدولار و مرتبات محترمة، اقل حاجة 20 الف و طالع 
لو مش بتتكلمي إنجليزي فا ده لازم يبقي الأولوية الأولي ليكي دلوقتي، تقدري تبدأي بدروس اونلاين، ابو زيد عامل كورس إنجليزي كويس مجاني علي اليوتيوب تقدري تخلصيه في شهر ونص، مع شوية ممارسة هتظبط بأذن الله

Apple_65537 🇪🇬 · Answer

بصي هقولك اولا ربنا يفرج قربك اللهم امين ويهدي ابوكي وامك لبعض ويصلح شأنهم بصي دوري في المحلات الحريمي زي مثلا قطونيل ودايس او حتى محلات عادي وركزي في دراستك وكمان ممكن تشوفي حضانات أو اكاديميات بيكونو سعات محتاجين حد يساعدهم مع الاطفال وقت البريك وغيره وربك يفرجها يارب ويطمن قلبك

Apple_65537 🇪🇬 · Answer

انا شفت اكاديميات زي كده والمرتب كويس من ضمنهم اكاديميه ماي سكول في اكتوبر الحي التاني تقريبا

Orange_55476 🇪🇬 · Answer

عندى شغل من البيت مش هياخد منك ساعتين كل يوم بس كوميشن ... شغل محترم جداً و بقالى فيه فوق السنة ... لو مهتمة ابعتيلى

Donut_63299 🇪🇬 · Answer

انزلي منطقة الاربعين فيها شغل كتير ، انا من السويس و ممكن ندور

Cookies_58921 🇪🇬 · Answer

انتي شغاله كولد كولر فين ؟

Banana_72762 🇪🇬 · Answer

لو كويسة ف الانجليزى ف شغل كول سنتر من البيت

Cookies_68867 🇪🇬 · Answer

شكرا بجد ♥️♥️

Watermelon_52066 🇪🇬 · Answer

لو بتعرفي تتكلمي لغه ممكن تشتغلي بيها كول سنتر مرتباتها كويسه حتى لو انجليزي بس اللغات التانيه مرتباتها اعلى و طبعا ربنا يعينك على اللي انتي فيه و انتي في اختبار خلي في بالك دا و كل دا اجر ليكي ربنا يعينك يارب و يوفقك في حياتك