مش عارفة اختار كلية ومش حابة المجال دا

Question

خلوني ادخل علمي علوم غصب عني وادرس حاجات مش حاباها، حاليا انا مجموعي كويس بس مش عارفة اختار أي كلية لأني اصلا مش حابة المجالات دي من الأول و حاسة ان دا مش مكاني ولا دا اللي انا عايزاه، بكره تحكمهم

Chilli_63940 🇪🇬 · Accepted Answer

بصي خلاص انتي أنوي انك دخلتيها إرضاء ليهم وربنا هيوفقك وهتلاقي ان ده الخير

Ice Cream_56900 🇪🇬 · Answer

صلي استخاره و استخيري ربنا واللي تحبي ادخلي

Corn_73160 🇪🇬 · Answer

تأقلم علي هذا الوضع لانك مش هتلاقي حل غيرو صدقني حولت قبلك كتييير اوي والقرار دا ها يعديك من مواقف كتير وكلام اكتر قدام

Marshmallow_75142 🇪🇬 · Answer

يعني مفيش أمل؟

Marshmallow_75142 🇪🇬 · Answer

التخصص اللي بحبه معدش ينفع أدخله لأني تخصصت علمي علوم في الثانوية ودا بيقفل مجالات الهندسة وبيفتح مجالات الطب

Ice Cream_56900 🇪🇬 · Answer

يبقى حاولي تقبلي بقضاء ربنا و تجربي تحبي حاجه من المتاحه ليك عشان تعرفي تذاكري و إنشاءالله ربنا مايجبش حاجه وحشه

Tomato_40378 🇪🇬 · Answer

بصي لسه قدامك الجامعة انا عارف انهم متحكمين فيكي بس في كل حاجه الحلو والوحش صدقيني ربنا دائماً بيكتب الخير حتي لو كنا عايزين شيء معين ممكن مكنش خير لينا

Avocado_75143 🇪🇬 · Answer

كل اللى اقدر اقوله من وجهة نظرى الشخصية ان ربنا سبحانه وتعالى عمره ماهيحطك فى مكان او ف طريق الا وانت على مقدرة من انك تتخطاه ..
لا يكلف الله نفسها الا وسعها .  ف اعتمد طريقك واستخير ربنا و سلم امورك لصاحب الملك وهو اختياره اكيد افضل

Avocado_75143 🇪🇬 · Answer

انا واحد من الناس مكنتش ممكن ف يوم من الايام اتخيل ان انا ابقى ف المكان اللى انا فيه ده وكنت راسم لنفسى كارير تانى نهائى لكن سبحان الله رغم ان الواحد قابل صعوبات كتير ولسه هنقابل اكيد لكن لما بصيت على اللى كانوا معايا جايز حققوا اللى نفسهم فبه وكل حاجة لكن من نظير اخر فى فئة مبيرة من المجتمع بتبصلهم انهم ولا حاجة

Sugar_73449 🇪🇬 · Answer

احساسك بالاجبار علي الاختيار ممكن يعمي عينك عن اختيارات كويسه ممكن تحبها وتنجح فيها...سيبك من اللي حصل وركز في اللي جاي وصمم انك تنجح.. علمي علوم مفتوح له كليات ادبي كمان.ربنا يكتب لك الخير

Mango_75169 🇪🇬 · Answer

مش مهم الدراسه لما تتخرجي هتلاقي الشغل مختلف عن الدراسه وهتحتاجي كورسات لان التعليم مش مطابق للسوق