بعيدة عن ربنا ومذاكرتي ومش عارفة أتقدم - تالته ثانوي

Question

بعيده اوي عن ربنا ومذاكرتي(انا تالته ثانوي) وفي فجوه كبيره اوي بين الشخص ال انا بمثل اني عليه وبيني بجد 
بحس معنديش اراده مش بيفرق معايا حاجه عندي تبلد مشاعر رهيب نحيه كل حاجه و حتي معتش بحس بالذمب ودايما متاخره ف كل حاجه 
ومشكلتي اني عارفه اي ال المفروض اعمله بس بردو لسا مكاني مش بتقدم 
انا لو فضلت بقيت السنه دي كدا هضيع ومش هعمل حاجه بجد خايفه 
وبقيت بكرهني 
بسسس بردووو مش باخد خطوه لحاجه؟

Pineapple_30607 🇪🇬 · Answer

حاولي تقربي من ربنا وافتكري ان الله غفور رحيم

Biscuit_29747 🇪🇬 · Answer

صلي على الحبيب في قلبك ❤️

Coffee_29561 🇪🇬 · Answer

مستنيه اي قومي اتوضي وصلي ولو سهرانه اقفلي فونك واقعدي مع نفسك كدا راجعيها ابدأى امسكي ماده ماده وذاكري

Ice Cream_31922 🇪🇬 · Answer

انا زيك ف كل حرف قولتيه حرفييا

Sugar_28822 🇪🇬 · Answer

عارفة لو كنت شوفت الرسالة دي من شهرين تلاتة مكنتش هتاثر ابدااا لكن دلوقتي انااا هقولك علاااجك الوحيييد هو القرب من ربنا محتااااجة تغسلى قلبك من كل الذنوب اللى فيه اللى بدات تموت قلبك لدرجة متقدريش تحسى بالذنب 
قربى من ربنااا الف مرة 
عارفة هتنتكسى كتييير وتقعى وكل مااا كانت اراادتك على التغيير اقوى كل ما كان ثباتك اقووى كل مااا كان تغييرك افضل 
قربى من ربناا توبى الف مرة عن كل ذنب..

Sugar_28822 🇪🇬 · Answer

اسحبى نفسك من مستنقع ذنوووبك واحده واحده وارجعى لربنا انااا بقااالى شهور كل يوم بغتسل قبل الفجر بنية ان ربنااا يغسلنى من ذنوووبى ويدلنى لطريقه صلى قضااء حاجه وقيااام ليل حاربى نفسك والشيطان والتزمى بصلاتك على قد ماا تقدرى مهما وقعتى خلى كل فجر يطلع ليكى بداية جديدة وتوبة جديدة وصفحة جديدة ليكى صدقينى مش هتندمى

Sugar_28822 🇪🇬 · Answer

اول علااااج للروح والقلب هو القران لوحده سبحان الله اقراى كتير واسمعى كتتير بصوت هادى يريح قلبك ادعى ربنا يبعدك عن كل ما يعصيه لو بتسمعى اغانى امسحيها كلهااا وتوبى عنها وادعى ربنا يبعدك عنها هتلاقى نفسك مع الوقت بقيتي تتخنقى من الاغانى وتميلى للقران والهدوء اكتر والله 
كل يوم هتبداى صح هتلاقى نفسك عندك نشاط وطاااقة للمزاكرة والحياة اكتر مهما كانت باهتة ومتعبة..

Sugar_28822 🇪🇬 · Answer

خلى اوضتك هادية ونضيفة وريحتها حلوة طول الوقت صدقينى بتفرق حطى بيرفيوم طول ما انتى فى البيت نامى كويس طول ما مش معاد صلاة الزمى سورة يس بنية الهداية لقلبك وتاج الاستغفار والحوقلة والصلاة على الرسول خليهم ورد زى القران كدة خلى الملائكة تذكرك عند ربنا بعمل تعرفى بيه بين اهل السماء اللى يسالوا عنك لو يوم معملتيهوش ويدعولك بيه..

Sugar_28822 🇪🇬 · Answer

اى وسائل تواصل عندك خليها مفتاحك للهداية اسمعى شيوخ كتيبر محمد الغليظ واحمد العزب وعثمان الخميس وغيرهم ودكتورة هالة سمير كمان تاابعيهم هيغيروا فيكى كتييير صدقينى 
اسفة انى طولت عليكى والله 
وربنا يوفقك يارب ويطمن قلبك ويرزقك الهداية لطريقه ويكتبلك كل خير 🤲🏻🌿

Sugar_28822 🇪🇬 · Answer

متستنيش كتير يا بنتى العمر كله لحظة قومى خدى شاور واغتسلى وصلى ركعتين توبة لربنا وفوقى لنفسك ولحياتك ادعى ربنااا كتيييير فى سجوووودك ادعى ادعى ربنا يردك لطريقه ويعينك وابداى من جديد ووكلى امرك كله لله ربنا ما بيضيعش حد علق امله فيه بس انتى قولى يارب🤍

Mango_32152 🇪🇬 · Answer

أنا زيك برضو و في تالته ثانوي و أول حاجه المفروض أعملها أنا و إنتِ هو إننا نصلح علاقتنا بربنا و نقرب منه أكتر و أنا كنت بقول هحفظ قرآن مع معلمه قرآن بس كل شويه بكسل و أقول الإسبوع الجاي و كل شويه بأجل الموضوع و أنا فعلاً عايزه أروح الإسبوع الجاي بس خايفه أأجل تاني و مروحش و أرجع أراكم دروس تاني