بحس ساعات ان انا مختلفه عن معظم البنات اللي بعرفها ، يعني مثلا هما شايفين ان الارتباط والمقابلات والكلام ده والتلامس عادي ، شايفين انهم اما يكلمو ولاد كده عادي ، لكن انا شايفه ان كده غلط اوي وحرام اصلا وان مينفعش تكلمي حد متعرفهوش او حد يحل ليكي اصلا انا شايفه ان البنت لو حافظت علي قلبها ونفسها هتلاقي اللي يعوضها وان اي علاقة بدايتها لا ترضي الله نهايتها لن ترضي صاحبها ، انا واثقه من كلامي لاني متمسكه بديني و بإني مستهلكش مشاعري علي اي حد والسلام كده ، هما بقا مفكرين اني كده غريبه او معقده او كلام كتير بيتقال بس انا شايفه ان لو البنات حافظت علي نفسها ولبست لبس محترم وبطلت تلفت انتباه الناس ليها بلبسها وبطلت تكلم ولاد وتحافظ علي نفسها هتكسب الدنيا والآخرة يعني لو اتعلقتو بربنا احسن من انكم تتعلقو ببني آدم الله اعلم بنيتو تجاهك اي اصلا مهما كنتي واثقه انتي كده بتغضبي ربنا ممكن اكون اول مره اتكلم فحاجه زي دي بس الدنيا باظت حافظو علي نفسكم للي يستاهل للحلال اللي ربنا يبارك فيه للعلاقه اللي كلو شايفها مش تحت السلم وتخافو اهلكم يشوفوكم وانتو بتتكلمو ، قد اكون مش احسن حد يتكلم لان كل بني آدم خطاء بس انا بعامل اي بنت كإنها أختي وبخاف عليها وبنصح علي قد مقدر واهو اكون عملت اللي عليا وخدت ثواب النُصح🤍 ، ده كان فدماغي اني اقول كده ليكم لان والله والله الحاجات دي منتشره بشكل كبير ومبتعرفوش كمية الذنوب ازاي مش عارفين عقاب ده اي وهيودي بيكم فين ، اسفه لو ازعجتكم بالكلام الكتير اتمني حد يستفيد🤍.

14

3