بحب بنت في الدرس بس مقدرش أكلمها - مشكلة حقيقية!

Question

بصو انا الصراحة بكراش علي بنت عندي في الدرس عارفين انتو الPerfect girl حرفيا هي دي متدينة وبتصلي ومختمرة ومتفوقة في الدراسة وجميلة وكل حاجة حلوة فيها المشكلة فين بقا ان انا بحبها بس مستحيل ادخل اكلمها وده ل3اسباب السبب الاول هو اني مبكلمش بنات عشان حرام السبب الثاني هو اني لو مثلا دخلت كلمتها هي محترمة ومش بتكلم ولاد🙂ودي حاجة حلوة بس بالنسبة لي حاجة وحشة عشان انا بحبها السبب الثالث والاهم هو اني في 1ثانوي يعني المفروض افك نفسي من جو الارتباط وكده واركز في دراستي وعلاقتي مع ربنا بس الصراحة انا حبيتها وبخاف عليها من اي حاجة وطبعا هي مش ملاحظة اصلا اني بحبها 
الناس هتقول دلوقتي نعملك ايه يعني؟ انا بس حبيت اعبر عن اللي جوايا عشان مفيش حد هيسمعني

Tofu_43415 🇱🇾 · Accepted Answer

سيبها علي الله ولو هي من نصيبك هتخدو بعض

Cherry_43363 🇪🇬 · Answer

هقولك حاجه خليك ثابت على كلامك دا ومتفكرش ف لحظه انك تخشلها علشان هتقل جدا من نظرها وركز فى دراستك واشتغل على نفسك وادعى ربنا كتيير اوى وادعيه دايما انها تكون من نصيبك وباذن الله ربنا هيحققلك اللى انت عاوزه

Carrot_43322 🇪🇬 · Answer

يبني انت لسه صغير اوي ع الكلام ده و فكر حتي لو هي رضيت ترتبطوا فكر معايا كدة ايه اخرة الموضوع ده انا عارف ان ف اولي ثانوي بيكون الموضوع واكل عقل الطلاب بس صدقني هتعطل نفسك و هتعطلها فكك من الموضوع ده خالص اولا عشانك و عشانها و الاهم طبعا عشان رضى ربنا

Coconut_42918 🇪🇬 · Answer

كون نفسك واتقدملها انما جو الارتباط والقرف ده مش هيوديك ولا يجيبك

Biscuit_41182 🇪🇬 · Answer

ركز في دراستك وابعد عن الافكار دي وادعي ربنا كتير ان لو فيها خير ليك تكون من نصيبك وانه ميعلقش قلبك بحاجة مش ليك واول ماتكون جاهز انك تتقدم لها ادخل الباب من بيته وكلم ابوها

Coffee_42926 🇪🇬 · Answer

Carrot_43322
منا قولت كده برضو قولت مثلا احنا ارتبطنا وبعدين؟
الموضوع ملوش لازمة اهم 3 حجات في الحياة الدراسة وعلاقتك مع ربنا والرياضة بالنسبالي

Coffee_28231 🇪🇬 · Answer

وخيرُ جليسٍ في الزمانِ كتابُ تَسلو به إن خانك الأحبابُ.