أنا شاب عندي 21 سنة، بحب بنت عمي من وأنا عندي 14 سنة. هي كانت بتحب حد تاني وقتها، ولما صارحتها، ما قفلتش الباب في وشي، بس ردت بطريقة حسيت وقتها إنها رفض ناعم... قالتلي إن القرار ده مينفعش يتاخد دلوقت وان ممكن مستقبلا تفكر في الموضوع. المشكلة إنها دايمًا قريبة مني جدًا، وبتعاملني بحنية غريبة، ولما بحاول أبعد علشان أنسى أو أرتاح، هي بتقرب أكتر... كل مرة بقع في نفس الفخ، بفتكر إنها بدأت تحبني، بس لما أقرب أكتر أكتشف إن مفيش حاجة اتغيرت، فأتعب وأبعد تاني... وهي ترجع تقرب بنفس الطريقة اللي بتخليني أتعلق من جديد. أنا بجد بحبها جدًا، بس أنا بتعب من كونها موجودة في حياتي وفي نفس الوقت مش ليا. حاسس إني تايه بين خيارين: يإما تبقى ليا بجد في علاقة صحية وواضحة، يإما تسيبني في حالي علشان أقدر أتعافى وأعيش بسلام. بس للأسف ولا ده بيحصل ولا ده، وأنا مش عارف أعمل إيه...

1

3