انا عندي 21 سنه و بحب بنت خالتي اللي اصغر مني ب 3 شهور و بحبها من و انا صغير اوي و دايما بفتكرها و بتخيل مواقف بتحصل بيني انا وهي سواء هزار او حب او مشاكل و التخيلات دي بتتكرر كل شوية و حاسس اني مهووس بيها بس مش ببين كده..هي ساكنه في محافظة تانيه و مش بنتقابل غير في المناسبات و لما بنتقابل بتوتر و مبعرفش اتكلم وانا قدامها و بتوتر لما ببص في عينيها و في الحقيقه انا شخص بيتكلم كتير مع الناس و حتي لما بتكلم انا وهي في الواتس اب بنتكلم كتير اوي و هي بتسألني علي حاجات كتير في الفون هي مش فاهمها وانا بجاوبها و ممكن نفضل نتكلم ايام في موضوع واحد و يمكن هي من اهم الاسباب اللي خليتني احافظ علي الصلاة لاني من 7 سنين لحد دلوقتي بدعي في كل صلاة حرفيا انها تكون من نصيبي وانها تحبني و ان ربنا يجمعني بيها في الدنيا و الاخره و ان ربنا يغفرلي و يغفرلها و بفضل ادعيلها كتير اوي..هي محترمه و مؤدبه و كل الناس تشهدلها ب كده و انا الحمد لله اقدر اقول علي نفسي اني محترم و محافظ علي صلاتي ولله الحمد و بقرأ قران كتير..فا انا خايف انها تروح مني او اني مثلا ملحقش اتقدملها او خايف انها ترفضني و بحكم اني مدخلتش في اي علاقه مع بنت قبل كده( لاني مش عاوز اعيش الشعور ده مع شخص انا مش عاوزه) خايف اعترفلها و ترفضني فا التواصل بيننا يقل و كده يعني..انا عارف اني كتبت كتير و كلامي متلخبط بس حقيقي انا بحبها جدا و عاوزها في الحلال و اهلها ناس كويسه و امها اللي هي خالتي بتحبني جدا جدا و زي ما قولت خايف انها متكونش من نصيبي (طبعا كل شيء بيد الله ولو مكانتش من نصيبي فا ربنا عنده حكمه في كده و الحمد لله راضي) بس اللي هو انا مش متخيل حياتي من غيرها فا اي الحل

6

0