صاحبتي بتتعامل مع اللي بيكرهني بكل ود!

Question

بتعملو ايه مع الصاحبة اللي بتتعامل مع الشخص اللي عندكم خلاف معاه بكل ود وترحاب رغم انكو وضحتو قبل كده أن ده بيضايقكم وخدتو موقف لنفس السبب وف الاخر هي ردها أن لا انا مش هاخد موقف من حد معمليش حاجة 
رغم أن لو الموقف معكوس انا مبعملش كده وغصب عني دايركت باخد موقف من الشخص اللي مضايقها هو اه مبتكونش عداوة لكن مبعرفش اتعامل معاه غير ف أضيق حدود وبشكل رسمي وده لو اضطريت اوي يعني

Banana_63629 🇪🇬 · Accepted Answer

لا تستحق صداقتك ليها ✨

Pumpkin_73530 🇪🇬 · Answer

عندها حق

Avocado_62037 🇪🇬 · Answer

ازاي وليه ممكن يكون عندها حق؟

Pumpkin_73530 🇪🇬 · Answer

دلوقتي أنا و انتي و هي زمايل تماما و معايا مشكلة معاها ليه أنا و انتي نخسر تعامل مع بعض علشان أنا و هي زعلانين من بعض الدنيا هتقف لو كل حد فكر بالتفكير ده تزعلي مني لو أنا بكلمك عليها وحش واخدك ند فالموضوع لكن طالما الموضوع ماثرش علي التعامل بينا ليه تقطعي معايا بذنبها

Banana_71311 🇪🇬 · Answer

قللي صلاحياتها كصديقة

Avocado_62037 🇪🇬 · Answer

عشان الطبيعي أن لو حد بيحب حد بيكون مخلص ووفي ليه والتصرفات دي ابعد ما يكون عن الوفاء والاخلاص وبتحسس الطرف التاني بالخذلان وانعدام الامان خصوصا لو هو بيطلب حاجة هو بيقدمها ف العلاقة دي بالفعل وخصوصا برضه أن اتاخد موقف قبل كده بسبب نفس التصرف

Coffee_68662 🇪🇬 · Answer

ايوه عندها فعلا . عشان مش انك علي خلاف مع شخص انك صح او اني تبقي انا كما أن ن وحش معلش في الاخر انتو أصحاب مهما كانت درجه قربكم يعني مش مكتوبين علي بعض و كل شخص حر طالما مش بيجي عليك و بعدين لو هي اتخانقت مع صاحب عمرك مثلا هتعرف تحتار ك
حد منهم وتخسر التاني

Avocado_62037 🇪🇬 · Answer

مهو التصرف ده نفسه بيخليها كده جت عليا لان مبحسش بأمان خلاص ف علاقتي بيها لو هي بتتعامل ب ود مع اعدائي ازاي اقعد معاها واحكيلها أسراري ؟

Kiwi_69543 🇪🇬 · Answer

طيب مهي صح..معلش هي مش تابع ليك ..والغلط عندك انت لنا بتعادي حد على خلاف معاها..مش يمكن هي الغلطانة انت كمان هاتغلط نفسك وتغملي زيها ..

Avocado_62037 🇪🇬 · Answer

ازاي انا غلطانه !! 
أما لما اقف جمبها واسندها اطلع غلطانه !! 
هو الطبيعي أن انا ك صاحبة لازمتي ايه ف حياة اصحابي ؟؟ مش أن انا ادعمهم واساندهم ؟! 
لو انا هبقي ف الصورة اسمي صاحبة بس صاحبتي بتحس نفسها لوحدها ف كل المواقف يبقي أنا بعمل ايه ف حياتها !!

Pumpkin_73530 🇪🇬 · Answer

يبقي الناس كلها تزعل من بعض علشان أصحابهم متخانقين

Waffle_72527 🇪🇬 · Answer

she is not ur friend 
معروفة لو صاحبتنا بتكره حد يبقى كلنا بنكره ، لو بتحب حد كلنا بنحبه
لو معجبه بولد بيحرم علينا ✋🏻

Avocado_62037 🇪🇬 · Answer

حمد الله على السلامه فينك من بدري الكومنتس اللي قبلك حسستني اني جاية من المريخ

Apple_73552 🇪🇬 · Answer

هو انا معرفش صداقاتكم ك بنات بتمشي ازااي  .  بس من وجهة نظري  او اللي انا بعمله طول مافي خلاف بين اتنين صحابي  بحاول احله  لو متحلش بعامل كل واحد فيهم باللي هو متعود عليه مني يعني مبخدش موقف من حد علشان حد  الا لو كان الطرف اللي انتي واخدا منه موقف مش صديق ليكم هنا اقدر اقولك دي مينفعش يتقال عليها صديقة