إزاي أتعامل مع أهلي اللي شايفين عيوبي بس؟

Question

بتعامل إزاي مع الأهل ال دائمًا مسلطين الضوء على عيوبك و مهما عملت من حاجات كويسه  ليهم وساعدتهم ف الحاجات ديه مبتتشافش و مبتتقدرش و مع كل مره تغلط بيحسسوك إنك اسوء إنسان في الدنيا؟

Apple_16029 🇪🇬 · Accepted Answer

اقتليهم و ريحي نفسك

Apple_16026 🇪🇬 · Answer

المفتاح لحاجه اي كدا انك متحاولش تثبت حاجه لحد ، اجتهد و انجح في الي انت بتعمله و نجاحك هيثبتلهم انك شخص غير الي هم فاكرينه ، و اهم حاجه نفسيتك حاول متخلهاش تتاثر في رحلتك دي ، ولو عرفت تقعد معاهم و تتكلم و تتفاهم يبقى احسن طبعا

Apple_15936 🇸🇦 · Answer

أهل*

Apple_16028 🇪🇬 · Answer

لأ مش للدرجادي 
أنا عاوزه اعرف اتعامل إزاي عشان أكمل أيامي أصل أنا تعبت من كتر م بتجاهل و اكتم في نفسي🥲

Apple_15554 🇪🇬 · Answer

كانو كدا فعلا وبدأت اخد جنب منهم شويه واصلح نفسي بنفسي وبقيت اهدي من الاول معاهم وبدأت اقول حاضر ونعم وكنت بذاكر طول الوقت عشان ابعد عنهم وعن الكلام معاهم  حسو ان انا متغيره بعد فتره طويله اوي     كان بيجلي افكار انهم كدا كدا واخدين فكره وحشه ف انا ابقا وحشه بس شوفت ان علاقتي بربنا لازم تكون كويسه وطظ ف اي حاجه وبعد فتره طويله جدا لاحظو ان انا هديت وبعدت عنهم ومن بعدها بقو يستكبروني شويه

Apple_16028 🇪🇬 · Answer

هو عمتاً مهما حصل من نجاحات ف بردو بيقللوا مني و مبيقدروش إن أنا بتعب في مجالي و لما بقولهم كدا بيقللوا من كلامي 
ف أنا بجد حتى ديه مش عارفه اشاركها معاهم 
و مفيش لغة حوار بيننا عشان اكلمهم و اقولهم ال بيضايقني منهم ،أنا لو عبرت عن رأيي ابقا بنت عاق بتعترض على أهلها

Apple_15554 🇪🇬 · Answer

ويحترمو كلامي ال كان كويس بسبب ان انا ثقفتي نفسي اكتر وقرأت كتب وعرفت ف الدين وكنت احسن كتير الحمدلله 
دايما اي حاجه وحشه بتحصل ربنا بيخليها سبب في خير تاني وحاجه تانيه احسن

Apple_16026 🇪🇬 · Answer

خلاص متستنيش تقدير من حد انجحي و اثبتي نفسك لنفسك و مع الوقت لما يلاقوكي ناجحه هيشوفوا دا ، و حتى لو مشافوش انتي بتنجحي علشان نفسك مش علشان حد تاني

Apple_16028 🇪🇬 · Answer

أنا بعمل كدا و مركزه في حياتي أكتر 
بس بردو لما بعدت و ركزت مع نفسي و تجاهلت ال بيحصل و بقيت بقول حاضر على أي طلب بيطلبوه مني عشان أريح دماغي حتى لو على حساب نفسي و خدت جنب بحيث أتجنب المشاكل بردو بينتقدوني إن أنا عازله نفسي و بسمع كلام حرفياً يسم البدن و انا بجد مش عارفه ممكن اعمل إيه عشان يرضيهم

Apple_16028 🇪🇬 · Answer

أنا نفسي يحترموا كلامي فعلاً لأن أنا مش صغيره و ليا رأيي و مينفعش واحده في سني يتقالها أنتِ ملكيش رأيي!

Apple_15554 🇪🇬 · Answer

انتي متعزلش نفسك وتبقي مع الفون بس انتي اعزلي نفسك بحجة المذاكره اطلعي اقعدي معاهم شويه بس متطوليش معاهم وادخلي نامي هما هيلاحظو بس مع الوقت اهلنا اتبرو غيرنا وغير زمانا دا  ف ممكن نكون بعاد شويه بس هما بيحبونا واكتر حد مككن يحبنا ف الدنيا

Apple_16028 🇪🇬 · Answer

هو أنا مجالي محتاج مذاكره طول الوقت ف أنا بتحجج بكدا و ببقا قاعده في اوضتي و ممكن اخر اليوم اطلع اقعد معاهم شويه و بعد كدا بنام 
و بشغل نفسي طول الوقت بحاجات اعملها عشان متسابش لتفكيري

Apple_15554 🇪🇬 · Answer

دا الصح والله وهما هيحسو بس انتي اصبري شويه مبياخدوس بالهم بسرعه والله اخدت سنتين عشان يحسو بينا وعلفكرا انا دلوقتي من الضغط النفسي زمان بتعب وبيجيلي تشنجات من الكتمان والزعل ومن الضغط ال كنت عايشه فيه الفتره دي ف اوعي تضغطي نفسك ولا تفكري كتير هدي نفسي وهدي اعصاابك كدا مفيش حاجه مستاهله تخسري صحتك عشانها