بتضايق من صحبتي في المذاكره وهي بتغش في الامتحان

Question

هو عادي اتضايق لما صحبتي تقولي مذاكرتش ومش مذاكره وتطلع من الامتحان تقول ان شاء الله اقفل وهي اه الولد الي قدامها بيغششها الامتحان كله بس ينفع الكلام الي بتقولهولي دا ؟ وهل اصارها ولا مهتمش ودا وضعها في كل امتحان يجدعان 
او. لو بتذاكر بتقولي انا انها مذاكرتش ومع غيري بتتناقش في الاساله وتجاوبهم فانا بتضايق وخايفه اصارحها تقول اني بحسدها أو حاحه عشان هي عندها الوسواس دا دايما

Mango_56683 🇪🇬 · Accepted Answer

ابعدي عن اي رسائل سلبية بتوصلك من اي شخص 
حتي لو صحبتك و بتقولك معلومات او اخبار سلبية ابعدي عنها او عالاقل متسمعيش منها

Coffee_19911 🇪🇬 · Answer

انتي قولتي الولد اللي قدامها بيغششها الامتحان كله

Coffee_19911 🇪🇬 · Answer

هي كده مكدبتش لما قالت انها مش مذاكره ولو مذاكره وتحور عليكي فكك هي جره جايز عندها الوسواس بتاع الحسد وداري على شمعتك تقيد والجو ده ونظرا ان دي حياتها فاا هي حره تقول اللي هي عاوزاه للي قدامها ولو انتي مش عاجبك كلامها او طريقتها فكك منها خالص وبس كده

Chocolate_55687 🇪🇬 · Answer

ايوه بس هي بتشاركني دايما انها مذاكرتش وحتى لما بتذاكر مبتقولش هي ممكن بتذاكر اه بس ضامنه حد يساعدها وهو شاطر بيخليها تجيب درجات كويسه 
 فبتضاايق جدا ومش عارفه اصارحها ولا اتجاهل دا

Chocolate_55687 🇪🇬 · Answer

حاضر تمام هعمل كدا

Coffee_19911 🇪🇬 · Answer

بس ولد بيغششها دي حاجه بتضحك شويه 
ويلا يارب تنجحوا كلكم انتي وهي والولد وكل اللي صحي من النوم النهارده وشرب مايه مرتين على الاقل

Coffee_19911 🇪🇬 · Answer

سيبك منها يا شيكولاته لان هي فعلا مبتذاكرش ومش من النوع اللي بيسعى ويجتهد هي لقيت حد يساعدها في انها تنجح بسهوله وتجيب درجات كويسه جداا واظن الحد ده لقى بنت كويسه فاا المصلحه متبادله نوعا مااا فاا متفكريش بقى بتفكير الناس بتاعت اللي عاوزه العالم احسن واعدل عارف الناس بتاعت سوزي الاردنيه مينفعش تسافر دي فاشله فكك من الهبل ده 
ركزي في حياتك مع نفسك وخلاص انتي عندك حياه وعيله ومستقبل واحلام مش كده

Coconut_61943 🇪🇬 · Answer

هو عمتا في تلك الحالتين الموضوع ما يدايقش

Chocolate_55687 🇪🇬 · Answer

والله كلامك تحفه انا يمكن بتضايق من التناقض 
بس انا فعلا مليش دعوه وهم احرار وانت لقطت حته ان في مصلحه متبادله هي بتنزل الجامعه تمضيله حضور طول الترم وهو قاعد يذاكر في البيت😂😂😂
فخلاص بقا هم احرار والواحد يركز مع نفسه احسن من التركيز مع الناس شكراا يا كوفي ☕️ 🫡

Chocolate_55687 🇪🇬 · Answer

انا مبحبش التناقض بس وبيخلي معنديش مصداقيه فيها بعد كدا

Chocolate_55687 🇪🇬 · Answer

اتفق مع حضرتك