بتصعب عليا نفسي لما محدش يفهم مشاعري

Mushroom_68593 🇪🇬

منذ أسبوع واحد

شعور متعب

بتصعب عليا نفسي اوي لما بحاول اعبر عن اللي جوايا و عن حياتي اللي محدش شايفها غيري و الاقي حد قريب مني مستهون بمشاعري و باللي بمر بيه بس عشان انا مش بحكي لان في حاجات مستحيل تتحكي انا مش دراما كوين والله بس انا حساسه تجاه اي حاجه بس يمكن عشان مش بعرف اعبر ولا ابين قد ايه انا بتأثر و ببان عادي يمكن المشكله فيا فعلا

طفولتي الوحشه ومش عارفه أتخطاها

اعتقد طفولتي كانت وحشه يمكن لحد دلوقتي مش عارفه اتخطاها ومأثره عليا وعلى شخصيتي أنا كنت بتضرب جامد حرفيا كأنه تعذيب مش عايزه اقول. ومهما كنت بصرخ مفيش حاجه بتتغير ودا حاليا مخليني مش عارفه اتكلم عن مشاكلي او عن زعلي او حتى اعرف أعبر عن مشاعري عشان لما كنت بعبر عنها بتأذي. محدش كان بيكلمني او بيتواصل معايا كان عندي 4 سنين ومش عارفه اتكلم خالص.وبعد كدا التنمر من المجتمع علي اني بتأتا في كلامي ودا خلاني بعاني من الموضوع لحد ما وصلت 10 سنين بدأت اتكلم كويس ودا خلاني اتكلم كتير اوي وبقيت واحده رغايه. تنمر كمان من اهلي ومجتمع عشان وزني ودا مخليني لحد النهارده بخس ومهما خسيت مش مقتنعه بيا . تنمر كمان عشان مستوايا في التعليم مكنش احسن حاجه ودا خلاني اذاكر بطريقة مرضيه مكنتش بنام غير 4 ساعات وطلعت الاولي علي المدرسه في تالته اعدادي بس انا حاليا معنديش الدافع اني اذاكر واجتهد عشان الي كان بيخليني اذاكر خلاص معدش موجود وحاليا انا في أولي ثانوي جبت 380/332 دا سببلي صدمه . انا كنت شاطره وكويسه وبحفظ وكل المدرسين كانو بيحبوني بس دلوقتي لأ عمري ما انسي لما المدرسه قومتني وسألتني وانا مكنتش اعرف الاجابه وهزئتني. انا اتهزء زي البنات الفاشله ازاي ؟. بجد انا مش عارفه انهي فتره بالضبط كانت صعبه او متي الدنيا هتضحك فوشي؟ بس اهو كلو بيعدي. وانا مش عارفه ازاي اتشجعت وكتبت حاجه زي دي او انا مستنيه اي بالضبط . بس انا خايفه اوي ان كل الي عديت بيه دا كأنه محصلش كأني معشتش كلو بيبان بس في شخصيتي في تصرفاتي. ...عرض المزيد

5 الدعم

2 نصيحة

ألم الخيانة والظلم والوحدة - اللي بيوجع القلب

اكتر حاجه توجع الإنسان الخيانه من اي نوع عائليه أو صحاب الظلم من كل اللي حويلك لما تكون ديما مظلوم في حاجات ملكش يد فيها بتوجع الوحده رغم أن في ناس كتير حواليك بس ديما لوحدك من جوه الواحد مبقاش عارف يعمل اي يبعد أن كل الناس ولاه يكمل معاهم في كل اللي بيحصل معاه ...عرض المزيد

2 الدعم

2 نصيحة