انا بشتغل في عيادات طبيه يعني فيها كذا تخصص و اسنان كمان المهم دي اول مره اشتغل فيها في حياتي مكملتش اسبوع حرفيا في حاجات كتير حصلت زي اول حاجه: ان انهارده كان في دكتور كان محتاج حاجه للمريض ضروري المفروض الحاجه دي مش موجوده في الاوضه طلعت برا بسألهم عايزه الحاجه دي يفضلوا يضحكوا و يتجاهلوني المهم ردوا دورنا ملقتش الحاجه دي برا المفروض بدخل اقول لي الدكتور ان الحاجه دي مش موجوده تيجي واحده منهم تقولي تعالي استلمي حاجه من المندوب والمفروض انا معايا حاجه يعني ضروري وهي فاضيه اصلا كلهم فاضين المهم دخلت اخد الحاجه من المندوب و بعد كده دخلت عند الدكتور ورجعت ليهم وانا مضايقه البنت دي بقي تقولي المفروض نعمل كذا حاجه مره واحده يعني ممكن تعملي اربع حاجات مره واحده لانهم ضروري واحنا بنعمل كدا وهي منفعله بقول ليها انتي متعصبه لي و اولا انا معايا حاجه لازم اسلمها لي الدكتور دي الاضروره الأهم و بعد كدا اكيد استلم الحاجات من المندوب و اشوف اي تاني اعمله لكن بقي هي منفعله ثاني حاجه : المفروض الدكتور الي هو يعتبر المدير قالي خد من مريض فلوس تحت من العربيه وهو المريض حاج اصلا كبير في السن نزلت و و بنعد الفلوس كان بقي في 50 جنيه باقيه راح ادهالي ودي كانت اوى مره في حياتي اتحط في الموقف دا اصريت عليه اني مأخدهاش هو أصر جدا واكيد مش هرميها قالي متقوليش لحد انة بقي كنت متوتره لان في كاميرات والمدير هيشوف اكيد وكنت خايفه ومش عارفه اتصرف اعمل اي خلصت الشغل من غير ما اقول جيت ماما زعلت و زعقت فيا كأني عملت جريمه وانا اول مره اتحط في موقف زي دا قالت ابعت لي المدير اشرح ليه الموقف كتبت " مساء الخير، كنت عاوزة أقول لحضرتك إن فيه مريض النهارده إداني فلوس بشكل شخصي، وأنا بصراحة مكنتش عارفة أتصرف إزاي في الموقف ده أو أسأل حد ينفع ولا لأ، فحبيت أبلغك عشان ميبقاش فيه أي سوء تفاهم." هي حاليا مردتش وانا حرفيا زعلانه جدا من نفسي

7

0