Chocolate_33484 🇪🇬
منذ 8 أشهر
.
شعور ضاق ذرعًا
السلام عليكم ورحمة الله وبركاته 💗 انا مش عايزه احكي دلوقتي عن اي مشكله عندي او حاجه وحشه قررت اكتب انهارده بس عن حاجه كده اشارككم بيها وخليكو تضحكوا عليا شويه 😂🤦🏻♀️ اولا كده انا في اولي جامعه في دراسات انسانيه قسم تاريخ كان نفسي طول عمري ادخل التخصص ده والحمد الله دخلته 🤡 بس الحلو مبيكملش روحت اول يوم كنت اول مره اشوف كميه الناس دي اصلا ونا بخاف من الناس اصلا 😂مش متعوده علي كده واول مره اخرج من البيت لوحدي الفتره دي كلها 🐼 ملقتش قدامي غير اني اقعد في جنب واعيط 🐰😂دا كان اول يوم تاني يوم بقا فضلت اعيط برضو بس ونا ماشيه بستكشف الجامعه بس الفرق ان الراجل صاحب عربيه المواصلات دعا عليا عشان قررت في اخر لحظه اني انزل من العربيه عشان حسيت اني خايفه وهتوه 🤡😂 ولحد الان لسه مصدومه ومش قادره اتعايش فا هل دا طبيعي ولا اروح اتعالج ولا اي 😂🤦🏻♀️
13
5
