ولدي مش بيتكلم والكل بيلومني.. العيب مني؟

Question

اول مره اشارك 
متزوجه وعندي طفل سنتين ونص لسه مش بيتكلم اوي بيقول شوية كلمات ع جملتين بس دايما ابي يقولي ده اخرص مش بيتكلم وديته حضانه بقى بيقول شوية كلمات جديده دلوقتي تعب فيرس في الدم واضطريت أعده من الحضانه الكل بيلومني بيقوليلي انتي السبب انتي اللي عيتيه وديته حضانه وبتخرجيه كل اسبوع مرتين غير الحضانه فا انتي اللي عينيه وزهقت من كتر الضغط غير أنه لسه ما اتقنش انه يعمل بيبي في الحمام فبيلوموني بردوا في الحته ديه وجالي القولون العصبي  قولولي في حد زيي وهل فعلا أنه العيب مني

Marshmallow_64546 🇪🇬 · Accepted Answer

طبعا العيب مش منك انا مش متجوزه ولا مخلفه بس بقولك العيب طبعا مش منك ولو انتي عليكي عيب فا هيبقى حاجة واحده بس انك بتسمعي لكلام اي حد ده ابنك وانتي حره فيه ومحدش ليه دعوه هو هيتكلم امتى او هيتعود عالبيبي امتى ملكيش دعوه بكلام حد عشان الناس هتتكلم وهتنتقد حتى لو مفيكيش غلطه  فا نصيحه متسمعيش كلام حد وربنا يشفيه ويخليهولك يارب ❤️❤️

Orange_61792 🇪🇬 · Answer

فيروس ف الدم من الحضانه !!!
عموما الحضانه مفيدة للاطفال اللي بتتأخر ف الكلام 
هي صحيح الاحتكاك مع الاطفال بيبوظ كل اساليب التربية 😂 لكنها مفيدة و الحمام مشكلة كل الناس مش ابنك بس 
و طبيعي انه ممكن يتعب يجيله برد 
لكن ايه فيروس ف الدم دي ؟

Chilli_48447 🇪🇬 · Answer

معلش أنا اسف مين المتخلف الى بيقول كده ان كل ده منك انتى الطفل ممكن لحد 7 و8 سنين يبقى عنده تبول لا ارادى ده طبيعى وليه علاج الدكتور نفسه بيقول اوعى تتكلم على التبول إلا إيرادى غير بعد خمس سنين وحته الفيروس إلى فى الدم تابعى بيه ومتسكتيش ولو احتجتى اى حاجه قوليلى وانا معاكى احنا اخوات وربنا يقدرنا وتتخلصى من كل ده

Blueberry_64555 🇪🇬 · Answer

يا حبيبتي العيب مش منك العيب ف جهل الناس و تدخلهم ف حياتك ، حطي حدود لنفسك و متسمحيش لحد يقول كلمة على ابنك ولا على طريقة تربيتك ليه ، ابنك صغير سنتين عايزينه يتكلم يقول ايه؟ سيبك منهم و ركزي على ابنك و صحته مفيش حاجة مستاهلة تتعبي ابنك و توديه حضانة ف السن ده عشان كلام الناس ، اهتمي بيه و اديله كل تركيزك و حطييي حدوود للناس المتدخلة اللي مبتجيبش غير وجع القلب دي و ربنا يتم شفاه على خير

Chilli_64506 🇪🇬 · Answer

اشتغلى معاه ف البيت و خليه يختلط مع الاطفال و لو الموضوع طول وديه ل اخصائى تخاطب