موضوع:

ازاي بعدت عن شخص انت بتحبه عشان نفسك ؟

اول فترة هي اللي استوعبت بيها انو هذا الشخص مو مناسب الي بعد ما جنت شايفته احسن شخص بالعالم و متعقلة بي كلش بعدين الفترة اللي قررت اخذ اراء الناس اللي وياي عنه رغم اني ما احب ادخل الناس بقراراتي الشخصية بس حسيت بضياع و بالتأكيد اجابات الكل جانت انو هو مو مناسب و مأذيني و مأثر على نفسيتي ف هنا جان وقت لازم اتقبل انو راح اتركه . تقريبا الموضوع ما اخذ نقاش طويل مثل مجنت متخيلة جانت شغلة ثواني وراها بدأ شعوري بالندم عقلي ما ندمان و يعرف انو هذا الصح بس مشاعري اللي جانت تريده ومتعلقة بي وراها مريت بفترة صعبة كلش جانت طاقتي كلها منتهية كل اللي اسوي اكعد و افكر معقولة جان قراري غلط معقولة عفت الانسان الصح ؟ طبعا بالنهاية عرفت قراري جان صح و هو جان الانسان الغلط و الشي اللي خلاني اتخطاه تماما و ما افكر بي و ماعندي اله ولا قطرة مشاعر هم الناس اللي وياي صديقاتي يعني صدكوني الناس اللي وياكم نعمه و صدكوني اللي يخربه بشر يصلحه الوقت و يهونه بشر ثاني و هسة الحمد لله اني تمام صح نص مشاعري ماتت بس هواي تعلمت و هواي تغيرت للأحسن بسبب هيج قرار

8

2