خانتني مع صديقي واتصدمت سنين

Pineapple_60236 🇪🇬

منذ 3 أيام

شعور خجول

موضوع:

ازاي قدرت تتعافي من علاقه سامه

اول حب في حياتي وخانتني مع صديقي ودلوقتي هما متجوزين، اتصدمت وفضلت سنة وعشر شهور مكتئب وقافل على نفسي، كنت بنزل عادي وبخرج بس حاسس اني بعامل الناس من جوا غرفة قزاز كلها معنديش مشاعر معنديش ردود أفعال معنديش أي حاجة ومش عارف أي حاجة ومش عايز أي حاجة من أي حد،، بعد السنة والعشر شهور دول معرفش ايه اللي حصل بس فاكر ان هي ليلة واحدة نمت فيها وكان وجع نفسي رهيب، كأن كل خلية في جسمي بتعيط ودموعي مش راضية تنزل، نمت في الحالة دي وصحيت تاني يوم كويس 🤷

مش عارفة أنسى أول حب وخلاني كائن كتوم

عايزة ابدأ أjournaling عشان حاسة أن الموضوع لذيذ الحقيقة ، بطبعي كائن كتوم و مش بعرف اعبر غير عن طريق الكتابة بس ساعات بحس اللي هو لو حد شافه طيب هيبقى منظري ايه ف قررت هفضح نفسي عادي 🤗 (موضوع حكيته بتاع ٤ مرات مثلا) يا جماعة الخير انا كنت بحب ولد و هو كان كداب و خاين و صاحب بنات عليا و في الاخر he ghosted me to be w his new gf اللي هي كانت بنت كان شاتمها عامة حكيت الموضوع ده حرفيا للقريب و الغريب وسواقين التكاتك و الميكروباصات و قعدنا كلنا نحسبن عليه but I don't really feel it's getting better مع اني حرفيا مسبتش حد ولا سبت كلمه في نفسي مقولتهاش بس لسه حاسه الموضوع مش مريحني ، أو أن لسه فيه تكمله مع اني مقتنعه ميه في الميه أنه مش هيكلمني ولا انا اكيد مكنش احسن شخص بالنسبالي خالص سواء شخصيه او اي حاجه كنت أنا بس اللي بشوف اي حاجه بيعملها لو كانت عادية كنت بترجمها أنها رومانسيه عشان بس اهدي دماغي لكن لسه بصراحه مفتقداه مع أنه مسابليش حاجه افتقدها و لما احكي للناس بيبصولي بصه غريبه و اني قللت من نفسي و يمكن كلامهم صح بس بجد محدش فاهم how close we were and how he made me feel loved يمكن لسه بحنله عشان he was my first everything بس فكره اني مش عارفه أنساه دي مخوفاني I'm afraid I will always yearn for him و اني بقارن اي حد بيه ومش عارفه ادي فرصه ل اي شخص عشان حاسه انها خيانه حرفيا I guess I'll always write Abt him حرفيا هشتري نوتبوك مخصوص عشان اكتب عنه فيها الله يعين 😔 ...عرض المزيد

1 الدعم

11 نصيحة

فرق الطبقات بيني وبينها ولسه بحبها

زمان لما كان عندي حوالي 17 سنة كنت قريب اوي من وأحدة قريبتي نفس السن ومش هكدب اني كنت بحبها ومعجب بيها جدا وكنا بنفضل نسهر علي التليفونات سوا لحد ما اختي الكبيرة عرفت وفهمت اني بحبها ساعاتها ادتني قلم عمري مهنساه وقالتلي أن هي مش شبهنا وخلتني ابعد عنها لما كبرت شوية فهمت وفهمت أن في فرق طبقات مبنا انا الحمد لله مش فقير يعتبر فئة متوسطة بس هي من أعلي طبقة ايا يكن اني من ساعتها وانا اي حاجه بتجمعنا مش بعرف أشيل عيني من عليها ولا اني انسي حبي ليها واديني كبرت وبدل الشغل الحمد لله شغال اتنين بس بردو لسة فرق الطبقات موجود ولما بحاول اكلمها تاني نرجع حتي صحاب بحس اني مهمش بالنسبالها رغم الي كان بنا مكنش فترة دول كانو سنين اخر مرة شوفتها كان من 3 ايام ولحد دلوقتي بفتكر ضحكتها ...عرض المزيد

1 الدعم

2 نصيحة

صديقتي متألمة من قلة الاهتمام وعايزة تصلح غلطها

يا جماعة ليا صديقة بعزها جدا بس هى عندها مشكلة كبيرة حصل بينها وبين حد بتحبه تجاوزات كتير هى كانت فاكرة أنه بيحبها لأنه للاسف لما قررت توقف اللى بيحصل قلل اهتمامه بشكل كبير جدا بعد ما كان كل ساعتين رسالة دلوقتى ممكن اسبوع ولا يعبرها ولو كلمها يبقي حاجة في الشغل لانه زميلها لكن هى لسه عندها امل وصعبان عليها وحاسة بندم كبير وكان نفسها انها تصلح غلطها معاه بس واضح أن مفيش منه امل وغالبا هو مع حد تانى .بس هى لسه بتدعى وعندها امل رغم أنه امل ضعيف..فانتوا رأيكوا ايه لأنى بقولها تنسي وهى مش قادرة لأنها حبته اولا .. وعايزة تصلح خطأها معاه ثانيا . ...عرض المزيد

1 الدعم

4 نصيحة