داخل أول امتحان في كليه مكنتش في بالي ولا يوم 💔

Question

بكره داخل اول امتحان ليا في المكان اللي عمري ما كنت اتخيل اني هبقي فيه والمكان اللي عمري ما حبيته ولا قادر تتعود زي ما الناس بتقول اوحش احساس بجد انك يبقي نفسك تخش كليه معينه وتبقي في مكان معين وحاجة بسيطه خالص تبعدك وتخليك واقف قدامه بتتفرج علي اللي فيه بس 
ازاي اللي دخل كليه مكنتش في حسبانه ولا مره ازاي اتعود ازاي حبها وازاي اتأقلم انا بقيت رايح عشان ملزم اروح مش اكتر مش عشان اول سنه جامعه واحلي سنه زي ما بيتقال 💔

Strawberry_46882 🇰🇼 · Accepted Answer

شوف ربنا مبيكتبش حاجه وحشه وان شاء الله تتعود  تبقى سنه  حلوه بس والله ربنا مبيكتبش حاجه وحشه ممكن لو كنت دخلت  كان حصلك حاجه تعبت احنا من  عرفش علم الغيب اكيد ربنا شيلك الاحسن وقدر اخف من قدر انا حاسه بيك بس والله ربنا اكيد كتبلك الاحسن♡

Coffee_48998 🇲🇦 · Answer

( عسى ان تكرهوا شيئا وهو خير لكم) .الدخول في كلية مش حبها ميعنيش نهاية الحياة انا مقدرة المشكلة وعارفة احساس انك تكون مجبور ، ان ضاعت عليك الكلية متضيعش حياتك  ، الندم مبينفعش فالي بتحاول تشعر كدا؟ ،  انت زعلت وندمت وفشلت واحبطت ،عملت ايه عشان تحسن الوضعية ؟من من غير انك حيت بأوحش الإحساس والشعور دا اجعله محور قوة بداية موفقة . اتأسف ان كنت قاسية بس نصحتك كأني بكلم نفسي.

Pineapple_44471 🇪🇬 · Answer

كنت زيك كدا وبفكر نفس التفكير لحد ما لقيت حد من دفعتي وكان علم رياضة برضو زيي وجاله كلية هندسة اللي كنت بحلم بيها بس ايه ( مات قبل اول يوم جامعة ) .

Watermelon_27498 🇪🇬 · Answer

ديه أقدار ومكتوبة.. كل واحد فينا ربنا اختارله مكان يحطه فيه ويؤدي رسالته فيه
شوف ايه الرساله الي ربنا حطك في المكان ده علشان تؤديها واشتغل على ده.. احساس وحش انك تحس ان حلمك حد تاني بيحققه بس ديه مش نهاية العالم احنا نقدر نحلم تاني وتعلي سقف توقعاتنا كمان في المكان الي احنا فيه
دور على حاجه تحببك في الكليه صاحب ناس كتير واعمل معارف كتير من دفعات أكبر منك
حب مجالك واسعى انك تبقى الأفضل فيه♥️