أهم نصيحة في حياتي: "خُد المُتفاهما وقت الخِلاف" ♥️

Question

أهم نصيحة سمعتها في حياتي "خُد المُتفاهما وقت الخِلاف" ♥️ ..
وفهمت إن الأهم من إني ألاقي اللي أعرف أتفق معها هو إني ألاقي اللي أعرف أختلف معها ونفضل متفاهمين، من غير هجران أو فجور في الخِصام.. ناس كتير بتتفق وتوعد وتقول كلام حلو في وقت الصفا والروقان، وعند أول خِلاف أو مشكلة بيتحوّلوا لناس تانية، وينكروا كل حاجة بكل جحود! لكن اللي بينهم وِد وتفاهم أي مشكلة بينهم هتتحل ولو مالهاش حل هيخلقولها حلول، ويرجعوا أحسن من الأول وترجع قلوبهم صافية من تاني، مابيخزّنوش لبعض، ولا بيحوّشوا جواهم زعل، التفاهم قادر يطفي أي الخِلاف.بس لي الاسف مظلمتش غير نفسي بعدين مع حد ميستهلش  انا بنسا لكن صعب علشان عملت كل الصح وطلع غلط ليا انا بس الحمد لله 🤦‍♂️😞

Banana_47169 🇪🇬 · Answer

فضفضي هترتحي

Coffee_42292 🇪🇬 · Answer

اسمها فضفض مش فضفضي؟؟  
لا شكرا مش عوز انا بس مبحبش اشيل حد همي

Sugar_47773 🇪🇬 · Answer

التفاهم حلو والشخص المريح حلو واللى تتعامل معاه من غير ما تخاف انه هيمسك فى كل حرف ويقف عليه حلو 
بس للاسف قليلين فلازم نتعود اننا نصبر ونتعايش مع الناس التانية ونتجنب اذاهم لان محدش هيعيش فى قوقعة لوحده 
تانى حاجه محدش هنا هيشيل عن حد همه بس كلنا هنا عندها ضغوط وهموم ومشاكل بنحاول بس نخرجها ونهون على بعض 
سيبها على الله وقول يارب

Coffee_42292 🇪🇬 · Answer

‏في مشاعر كنت اتمني إنها متعديش عليا عشان مفضلش أدور عليها تاني، و في مشاعر كنت اتمني إني محسهاش عشان مفضلش خايف أحس بيها تاني علشان  لقيت نفسي مش كويس قدم نفسي

Chilli_48278 🇪🇬 · Answer

مش كل صوابع ايديكي زي بعض واحنا مش عايشين في الجنة مش كل ال حوالينا ملائكة طبعا أنا مش بشجع على المشاكل والكلام دا بس عايز اوضحلك انه ممكن الشخص يكون مش سوي أو مش من بيت اتربى على كدا ولكن الباقي عليكي اولا لازم تختاري بعناية شديدة جداً ثانياً تحاولي تغيري من نفسك مثلا لو بتتعصبي زياده تحاولي تهدي شويه وكل الأمور هتتعدل إن شاء الله

Coffee_42292 🇪🇬 · Answer

شكرا ليك  بس اسمها متتعصبش انا ولد 😂😂😂

Sugar_47773 🇪🇬 · Answer

بص لازم تتاكد ان كل شعور وكل وقعة وتعب هيعلمك حاجه جديدة وتاخد خبرة اكبر فى الناس 
كل شعور حلو بنعيشه بندور عليه تانى بس لازم تتاكد انه مع شخص يستحقه او ينفع تحس بالشعور دة تجاهه 
وكمان تتاكد ان مش كل شعور حلو دايم وساعات لازم تكسر بحاجه مرة 
اصل السكر حلو بس لو كترت منه معدش هتحس بطعم الدنيا العادى لازم الحياة ابتلاء وعطاء ونعمة ونقمة واهى ماشية

Sugar_47773 🇪🇬 · Answer

خلى كل شعور يدخل قلبك يعلمك حاجه جديده ويزيدك قرب من ربنا اكتر وقوة وثبات 
بلاش تشوف نفسك مش كويس لان كلنا بنغلط وكلنا بنتعب وبنياس بس اليقين بالله بيصلح كل حاجه 
سيبها انت على الله وقول يارب 🤲🏻