تعبت من مشاكل أخويا واهلي مش بيساعدوني

Question

اهلي منفصلين بابا مسافر بقاله كتير ومنعرفش عنه حاجة احنا عايشين مع اهل والدتي عندي اخ حرفيا بيعمل كل حاجة وحشة بيشتم والدتي ويقل ادبه عليها وشوية وهيضربها وهي مبتعملش حاجة بيمد ايده عليا ويشتمني ولما اجي اقفله واعترض ماما ميعجبهاش وتضربني فشل ف التعليم مش بيصلي بيعمل كل حاجة غلط مصاحب ناس وحشة جايبلنا المصايب لما بقول لماما مينفعش كدة ي امي اعملي حاجة الله يخليكي تقول هعمله ايه يعني اموته ولما تحس ان كلامي صح تفضل تدعي ع نفسها وتقول لما اموت هترتاحي يعلم ربنا انا بحبها قد اي ومش عايزة حد يقول عليها كلمة وحشة ويقول انها معرفتش تربي اعمل ايه انصحوني الله   يخليكو انا تعبت  والله

Strawberry_31157 🇪🇬 · Answer

حاولي نتي تتكلمي معاه براحه وتفهمي انك مالكيش غيور أو تخلي كبير من عيلة مامتك يقفلو

Watermelon_33045 🇲🇦 · Answer

انا متفقة معك فموقفك ولكن فنفس الوقت حاولي تنظري للموضوع من وجهة نظر امك هي خايفة لا تتخانق معاه و يهرب ويصير يتعطى المخدرات او يقتل لا قدر الله عليك هي صابرة عليه ولكن مش بقول انو تصرفها صح لان لازم ترسم حدود وتحافظ على الاحترام بينها وبين ابنها ، وانتي جربي تصاحبي اخوكي وتتفهميه (مش تتقبلي افعالو ولكن جربي تفهمي ليه بيعمل كده) ولما يرتاح الك حوالي تنصحيه شوي شوي هو أكيد صعب عليك

Grape_35493 🇪🇬 · Answer

انا اسف جدا علي كل هذا بصراحة   اولا لازم تفهم ان مامتك هي المحطوطة في اسوأ موقف فيكم هي اتجوزت واحد لم توفق و معاها ولدين حاسة ان حياتها ضاعت بشكل ما و اكيد مش بتكون عارفة تعمل ايه في اوقات كتير جدا و اكيد في تفاصيل اكتر لكن الله يعينها اكن اسمعني انت في النصف بين الام التعبانة و الاخ العنيد و للاسف لازم تتصرف و هتتصرف هتعرف تتصرف اولا مينفعش تتخانق مع مامتك خالص و طريقة دايما بالود و مدايقهاش

Strawberry_32392 🇪🇬 · Answer

اتكلمت مليون مرة كل مرة ردة الفعل انيل من اللي قبلها وبالنسبة لأن حد يتدخل امي منعتهم كلهم انهم يتدخلو وده اللي بوظو اصلا

Nutella_35520 🇪🇬 · Answer

انا نوعا ما زيك فا صدقيني مبيبقاش لينا غير الصبر و بس و لو في كبير في العيله يوقفلو ممكن برضو

Strawberry_32392 🇪🇬 · Answer

هو لو فضل بالشكل ده مش بعيد يتعاطى مخدرات عادي جدا وبالنسبة لأني اصاحبه حاولت كتير ومنفعش

Grape_35493 🇪🇬 · Answer

و اركن عصبيتك علي جنب خالص و مع اخوك بقا انت لازم تعد تتكلم معاه كلام رجالة و بالود و قولو انه بقا راجل و ان امك محتاجاه و اعد معاه ثلاث مرات لو كمل في سوء معاملة امك بعد الثلاث مرات فا انت لازم تبقا حاد و حازم و متسمحش انه يكلم مامتك كدة باي شكل رغم اني حاسس ان انت نفسك بتسيء معمالتها ساعات من اول دلوقتي حاجة زي كدة هتبقا ممنوعة

Strawberry_32392 🇪🇬 · Answer

انا عمري مرفعت صوتي عليها اقسم بالله ودايما بحاول ارضيها وعلى قد مقدر بحاول اخليها متشيلش همي يعلم ربنا لكن انا حقيقي زعلانةعالحال اللي وصلناله كنت اتمنى اخويا يكون احسن من كدة وميكونش هم زيادة عليها

Strawberry_32392 🇪🇬 · Answer

مفيش للأسف اهل والدتي سلبين اكتر منها وحرفيا هما جاين على امي اكتر من الدنيا وملهاش دعوة بينا ولا صرفو علينا قرش من يوم مقعدنا هنا ولو عليهم يرمونا ف الشارع عادي جدا

Strawberry_32392 🇪🇬 · Answer

انا بنت*
وصدقني انا اتكلمت معاه كتير اوي حرفيا هو مراهق وطايش وحاله بيسوء كل يوم اكتر من اللي قبله

Grape_35493 🇪🇬 · Answer

انا مش اصد الومك خالص خالص ربنا يعينك فعلا لكن بقول ان الام هي الاهم دلوقتي لو انت مش هتعرف تتصرف معاه شوف كبير في العيلة لو هو فيه امل حاولي تصلحيه لو مفيش تنشي علي اد متقدري و اشتغلي علي نفسك و علي مامتك بس لحد الأفضل

Grape_35493 🇪🇬 · Answer

انا اسف مكنتش اعرف انك بنت 
مامتك شغالة بنظام معاه خلاص سيبك و اشتغلي علي نفسك كملي حياتك طبيعي و خليكي موجودة عشانها في اي وقت

Grape_35493 🇪🇬 · Answer

و انا بمر بردو بمشكلة مشابهة شوية انا موجود لو حبيت تفضفضي في اي وقت