انا كنت بحب واحد وحصلت بينا مشاكل كتير وانا حرفيا روحي كانت فيه كنت متعلقه بيه اوي يعني وبعد ما سابني حرفيا مبقتش طايقه اتعامل مع راجل غيره وشايفه كل الرجاله غرب عني واتعقدت منهم لأن حتى اهلي ابويا انا بخاف منه ومش قريبين من بعض خالص واخويا هو حنين ولطيف بس هو عنده شغله ومراته وأصحابه وحياته (مش فاضيلي) ولو دخلت ولاد خالاتي حتى أو عمامي أو خالي أو وت ايفير في الحسبان ف مفيش بردو حد قريب وهي مرتين اللي حبيت فيهم وفي المرتين بجد اتدمرت انعقدت من الرجاله وبقيت شايفه حتى الشخص اللي فعلا بيخاف عليا وبيحبني بيكدب عليا وعندي ضغوطات دراسيه وجسديا ومن اهلي ومن صحابي وبجد نفسيتي تعبت وحتى كنت قريبه من ربنا وانتكست ومش قادره ارجع ودي اكتر حاجه ضغطاني بجد هموت حرفيا عشان ارجع لربنا وكل يوم بعيط وبتمنى ربنا يقربني منه بس بجد مبقدرش وحاسه اني اتكلمت كتير وان محدش فاهمني بجد مش عارفه اعمل ايه

0

7