انا ولا حاجه واستنذفت طاقتي خلاص

Question

اني مكملتش تعليم وتنازلت عن حاجات كتير اني حبيت بإفراط وعطاء بحسن نيه اديت كتير وقدمت كتير ودلوقتي انا ولا حاجه وكل مابطالب بحاجه انا عايزاها ببقى تقيلة فبضطر اسكت والهي نفسي في اي حاجه جديده كشغل كتعلم حاجه جديده مش بإيدي اغير حاجه لأني استنذفت طاقتي خلاص

Jackfruit_65540 🇪🇬 · Accepted Answer

ربنا يعوضك و ده شيء مكتوبلك خلاص 
ولو عايزه تستعملي حاجه فيه حاجات كثير زي البرمجه زي الحرف اليدوية زي كول سنتر كل الحاجات دي متاحه وبلمجان ع مواقع التواصل ولو ع الطاقه ف شوفي اقرب صديقه ليكي وشجعوا بعض ولو مفيش اعمل كل يوم إنجاز صغير عن طريق تعملي نشاط مفيد صغنن جدا 
زي كل يوم مثلا (تقرأي ٥ صفحات من كتاب مفيد)نشاط صغنن بس حتحسي ب انك عملتي إنجاز حلو جدااا وربنا يوفقك يغاليه

Mushroom_68896 🇪🇬 · Answer

حاسة انك مكملتيش تعليم مأثر عليكي أوي ؟

Cherry_70257 🇪🇬 · Answer

اه جدا رغم اني بعمل نشاطات يومية وبشتغل بس دة كان حلمي وعايزاه اوي

Cherry_70257 🇪🇬 · Answer

بعمل وبشتغل الحمد لله وعندي مكتبة كتب بتاعتي لوحدي في اوضتي وبحب ارسم واتعلم كل فتره شئ جديد بس عايزة ادرس مش عايزة يبقى اخري دبلوم صناعه

Mushroom_68896 🇪🇬 · Answer

طب معلش ممكن اعرف مأثر عليكي في ايه

Cherry_70257 🇪🇬 · Answer

حاسه اني اتظلمت في النقطه دي لان كنت عايزة اكمل في مجال البرمجه تعليمياً لو قولتلي طب ما تتعلمي وتجيبي الاب والحاجه دي للاسف حاولت الوالد مفكر اني بلعب وبستهبل واشتغلت قبل كده اون لاين وطلعت مبلغ هو فرح بس بعدها جست اجرب مجال اتنصب عليا بقى مسكهالي زي الي صدق انه لقى عيب عشان يكرهني فيها

Mushroom_68896 🇪🇬 · Answer

طب مفيش اي إتاحة انك ترجعي تتعلمي من تاني في كلية أو معهد

Cherry_70257 🇪🇬 · Answer

بحاول اقنعه رافض الفكره تماما وبيحاول يجبهالي من اتجاه الإختلاط وان برا مش امان عشان اتراجع بس انا مش بحب اناهد ولا اتعبه في الكلام فبسكت وبوافقه ولأنه مش بيسمعني اوي فبضطر اسكت

Mushroom_68896 🇪🇬 · Answer

هو انتي كام سنة ووصلتي لفين في مرحلة تعليمية

Cherry_70257 🇪🇬 · Answer

انا كنت المفروض ابقى في تانيه كليه او تانيه معهد وحاليا مش في دراسه ولا بدرس بس بتعلم قرآن وتجويد كنوع من تطوير الروح الدينيه وفي نفس الوقت بتعلم حاجه هتنفعني

Mushroom_68896 🇪🇬 · Answer

العلم ديني مهم جدا وأهم من علم دنيوي بس اللي اعرفه اللي عايز حاجة هيسعي ليها يعني احنا لسه داخلين علي سنة دراسية جديدة حاولي تقنعي والدك إنك هتلتزمي ومش هتختلطي بحد وهتحافظي علي نفسك من الفتن ...كلميه مرة وانتي وحاولي دي فرصة كويسةترجعي

Cherry_70257 🇪🇬 · Answer

حاضر هحاول تاني

Mushroom_68896 🇪🇬 · Answer

مفيش حل تاني