toheal logo

Nutella_60348 🇪🇬's منشور

Nutella_60348 🇪🇬

منذ شهر واحد

.

شعور محبط

انا منفصله من سنتين كنت متجوزه ابن خالي جواز اجبار مكنتش بحبه وكنت بعتبره اخويا مش اكتر عملت المستحيل عشان يسبني مكانش عايز يسبني وكلمته مره وقولتله انا اتخطبتلك غصب عني قالي لو هتجوزك يوم واحد بس واطلقك عادي برضوا مش هسيبك كان بيجي عندنا مكنتش بحب اقعد معاه ولا معا اهلوا المهم اتجوزنا ف الاخر وبعدين بعدين لما قولت لنفسي دا نصيبي وخلاص هرضي بالامر الواقع المهم حبيته بعد سنه م جوازنا وخلفت منه ولد بعديها معملته ليا بقت وحشه اوي ضرب واهانه وبهدله كان دايمآ ماشي ورا كلام اهله واي حاجه بيقولها بيشمي وراها حتي لو حاجه هدمر حياتنا انا وهوا وابننا المهم كان دايمآ بيقل مني قدامهم وكانوا يغلط فيا وهوا ساكت وماعندوش اي ردت فعل خالص وكانوا ع طول يتحكموا ف حياتنا ويدخلوا ف كل حاجه تخصنا المهم هوا عندوا 4 اخوات ولاد 3 متجوزين وواحد لسه المهم واحد من اخواته مات الله يرحمه ..اهلوا طلبوا منه يتجوز مراته عشان يربي عيال اخوه ف البيت المهم عرضوا الموضوع دا ع اخواته التانين رافضوا حتي اللي متجوزش رفض الاا جوزي قبل عادي بسبب تأثير كلامهم عليه وسيطرتهم اامهم انا رفضت انه يتجوزه عشان حبيته فضلوا يعملوا مشاكل بيني وبينه لحد ما اتخنقنا وضربني وتردني م البيت..وانا غضبانه عند اهلي اتجوزها عشان يحطني قدام الامر الواقع..طبعآ انا جالي جواب م المحكمه انه اتجوز ...ف طلبت منه الطلاق مارديش يطلقني وكلمني ف التلفون وقالي هترجعي ورجلك فوق راقبتك وزي ما اتجوزتك غصب عنك برضوا مش هطلقك غصب عنك ...روحت رفعت عليه قضيه طلاق واطلقت منه...هل انا كدا صح؟!

9

17


Watermelon_60331 🇪🇬

.

منذ شهر واحد

من رأيي انك صح من رأي صح جدا كمان بس فكري اولا في عيالك اني انسب حل ليهم و فوق كل ده ضرب او اهانه ليكي لا ثم لا ثم لا ده سبب كافي انك تنفصلي عنه تماماً لو اتجوز غيرك وبيعاملك بما يرضي الله خلاص اقبلي و لكن لو انتي لوحدك اللي حياته وبيضربك سبيه طبعا انا محامي وبقولك اكتر حالات الطلاقة في محاكم الاحوال الشخصية بسبب الضرب و الاهانه

0

0

Olive_59219 🇪🇬

.

منذ شهر واحد

اه انتي صح وصح جدا كمان من اول لحظة وهو واخد الدنيا عند ولو هيتجوزك يوم لا احترمك ولا قدرك و معاملته سيئة و مش فارق له بيته ولا له كلمة انتي ربنا نجاكي و رحمك كملي للاخر في الطريق ده وربنا يعوضك خير

0

0

Coffee_60357 🇪🇬

.

منذ شهر واحد

انتي كده صح دي علاقه مسمومه من البدايه يمكن انتي حاولتي تخليها تنفع لكن هو واضح انه مقتنع انه الرجل المسطير ويقدر يعمل الي هو عايزه ربي ابنك بعيد عن النازعات والمشاكل وحاولي يطلع طبيعي يحميكي ويشيلك وبعدي من الاول فين اهلك ملاحظتش ذكرتي حاجه عنهم مفروض طالما قرايب يبقى يتدخلوا

0

0

Chilli_48447 🇪🇬

.

منذ شهر واحد

بصى بلاش تهدى برأى حد بس انتى لو لأول والاخر انتى صح لان مقدرش وجودك ولا احترم وجودك ده اولا ثانيا انتى إلى عايشه القصه مش اى حد تانى وليكى كامل الاحترام فى قرارك لان من حقك انتى مش عايزه اى شريك ليكى

0

0

Watermelon_60376 🇪🇬

.

منذ شهر واحد

مرة سألت والدتي ايه اكتر حاجة ممكن تكسر الست قالتلي إنه تتهان قدام جوزها وهو واقف يتفرج، هو مش بس كان بيتفرج هو كان بيهينك معاهم، أنا بحييك إنك كنتِ لأخر لحظة بتحاولي تحافظي على بيتك ومبعتيش القضية بسرعة عشان إبنك، وعشان إبنك بردو مترجعيش لأنه والده للأسف مترباش يبقى راجل عشان يعرف يربيه، وعشان إبنك بردو حاوطي عليه وربيه

0

0

التجربة أفضل عبر التطبيق

حمّل تطبيق توهيل على هاتفك لتجربة أسرع