انا مخنوقه اوي وبجد حاسه ان من كتر الخنقه قلبي واجعني هو الحمدلله وكل حاجه بس كل حاجه ف حياتي غلط ومش راضيه عن حياتي بنسبه75٪ كل حاجه غلط مبدأيا انا انطوائيه جداً ف العشرينات ومعنديش ولا صاحبه ولا معارف حتي ومبعرفش اصاحب حد مبعرفش ابدأ كلام مع حد ولا افتح مواضيع لو قعدت ف قاعده ومحدش وجهلي كلام مبفتحش بوقي ومش رخامه مني بس بجد مبعرفش اتكلم وادخل ف مواضيع وخجوله وموضوع ان معنديش صحاب ده مأثر فيا اكيد لما بتيجي سيرة الصحاب او حد يتكلم علي صحابو او ماما تقول لحد اني معنديش صحاب ببقا ماسكه دموعي بالعافيه ممكن فعلاً مش بعرف اصاحب وممكن عندي تروما هي كانت صاحبه واحده اللي ف حياتي وكانت اقرب واحده ليا وبعدت بسبب حاجه عبيطه وكان من سبع سنين وكان لعب عيال بس باعتني ف من بعديها مش عارفه اصاحب خالص مش عارفه كمان مش بعرف اثق ف حد مبعرفش افضفض لحد واقولو علي اللي مدايقني حتي لأمي واخواتي بمر بأصعب فترات حياتي لوحدي ممكن ابقا مخنوقه واستناهم ينامو كلهم واقعد اعيط لوحدي انا بجد مش بعرف افضفض لحد وبكتم جوايا كتير دايما حاسه اني مش مميزه لما نكون ف تجمع عائلي مبحسش ان محدش مهتم انا موجوده ولا لا مبتكلموش معايا محدش مهتم انا كويسه ولا لا اهلي نفسهم مبعرفوش حرفيا دماغي عامله ازاي او طريقه تفكيري ازاي او بحب اي ومبحبش اي مبيتكلموش معايا حاسه دايما اني لوحدي مش عارفه معنديش صحاب لحد دلوقتي ليه مع ان والله اللي يعرفني من بنات عماتي وبنات خلاني بيقولو اني فرفوشه وبضحكهم ولحب الضحك والهزار وبتكلم معاهم لما نكون سوا عشان عرفاهم ومتعوده عليهم لكن برا مبعرفش اكلم بنت واصاحبها مثلا الموضوع كاسر قلبي وتاعبني والله مش عارفه رغيت كل ده ليه بس من اكيد ده من الكلت واني مش عارفه افضفض لحد ومعنديش حد افضفضلو اصلا فبتكلم هنا سوري ع الرغي.

6

8