مخنوقة من شاب بيقولي "يابيره" في الشارع!

Question

انا مخنوقه انا عوزه احكي أن كنت ماشيه مع صحبتي النهارده ولقيت شيلة ولاد ماشيين وواحد قال*يابيره*  وقالها مرتين 
المهم انا عديتها مفكرتش لقيت صحبتي بتقولي ده بيقولك يابيره مبعرفش انك متجوزه ومخلفه 
فاقولتلها هو بيقولي انا ؟! قالتلي اه كان باصص عليكي  
مع العلم أن صحبتي ديه سنجل لسه 
بس هو ليه واحد يقول لواحده يابيره

Avocado_51186 🇧🇭 · Accepted Answer

سيبك منه الكلمه مش بتلزق يعني طالما انتي بتقولي متجوزة ومخلفة كمان يبقي ايه اللي يزعلك وبعدين اتأكدي من صاحبتك أصلا لان انتي بتقولي انها سنجل فأكيد الكلام مش عليكي انتي

Onion_51494 🇪🇬 · Answer

يعني ايه يابيره اصلا

Mango_32027 🇪🇬 · Answer

يعني لسه متجوزتش او الجواز فاتها وكبرت

Donut_20915 🇪🇬 · Answer

شخصيه مريضه متاخديش عليه لو ركزنا مع ااناس هنتجنن ف كبري دماغك 
في قلوبهم مرض  فزادهم الله مرضا

Donut_20915 🇪🇬 · Answer

مع الاخذ ف الاعتبار عوامل كتيره هو تربيته مش زيك اهله مش زيك بيئته الجاي منها مختلفه ف دماغه علي قده من الاخر

Mango_32027 🇪🇬 · Answer

هو بيقولي يابيره وانا اصلا متجوزه

Donut_20915 🇪🇬 · Answer

ده دليل ان دماغه تعبانه اصلا يعني كلمه اصلا لا تصفك 😂

Pineapple_52307 🇪🇬 · Answer

كبرى دماغك ده عيل مايتقالش عليه راجل أصلاً

Mango_32027 🇪🇬 · Answer

وانا اصلا  متجوزه

Pineapple_52307 🇪🇬 · Answer

مش يمكن قصده ع صاحبتك دى بس بيبصلك انتى؟ اصل ليه تبقى متجوزه ويقولك انتى يا بيره؟ أكيد ف حاجه غلط برضه

Pineapple_52307 🇪🇬 · Answer

ياستى مش تزعلى نفسك احنا ف مجتمع شارب حته ب 200 لوحده انا ماشيه مع اخواتى الصغيرين وكنا ف موقف لاقيت واحد بيقولى ضهرك يمدام والتانى قاله بيخلفوا ويرموا سايبه عيالها كده بيبصلى طلع معرفه قالى انا اسف والله اللى مايعرفك يجهلك يابنت خالى اضحكى يستى ماحدش واخد منها حاجه 😂😂😂😂😂😂❤

Pineapple_25373 🇪🇬 · Answer

اقولك على اللي يضحك اكتر ماشيه انا واختي أصغر مني بخمس سنين وشكلنا سن بعض اساسا 
وراح شلت ولاد عدو من جمبنا وقالوا لينا البنت وامها وكلمه كده  
قصده اني انا امها😆😆😆💔

Coffee_16622 🇪🇬 · Answer

فيه فئة من الولاد مريضة نفسيا للاسف بيحب يهين اي واحدة معدية دة بسبب واحدة خزوقته ، مراته شبشبته ، عقد من الطفولة .. فبيطلع دة في بنات الناس برا ، هو كان مستنيكي تردي عليه علشان يهينك اكتر واكتر ومن ناحية تانية هو على صاحبتك غالبا شكله يعرفها وحتى لو عليكي مينفعش تلتفتي ليهم وتعبريهم وقولي لصاحبتك متعبرهمش ممكن تردي ع الاشكال دي تفة محترمة كدة وتتفي في الأرض لو حابة تردي يعني بس مترديش بشكل مباشر

Mango_30835 🇹🇷 · Answer

سيبك منه هي ازاي اصلا تلفت نظرك لكده أو ميكنش قصده عليها وهي قالت كده علشان تصرف نظرك ثم حتى لو مش كده مفهمتش بجد ليه مركزه مع كلام عابر سبيل لا بيقدم ولا بياخر

Mango_32027 🇪🇬 · Answer

مع العلم اني مجوزه من فتره صحبتي هي اللي سنجل لسه

Coconut_52409 🇪🇬 · Answer

كلام خايب من عيال مترتبش .. الفكره عنى مش ف العيال الفكره ف اللى معاكى اللى بتقول بيقولوا عليكى انتى هيا مش واخده بالها انك متجوزه ولا كانت بتقولها بهزار تفرق اكيد ولو مش بهزار انتى مردتيش عليها ليه