نفسي أحب وأتحب.. مش عارفة أبطل تفكير في الموضوع ده

Question

انا اسفه ياجماعه على هقوله... بس الصراحة انا نفسي ارتبط مش تقليد. اعمى للغباء الي بيحصل عند الشباب بتوع اليومين دول انما علشان انا محتاجه ده.. انا عارفه انه حرام بس محتاجه حنان و اهتمام حد يحبني و يحسسني اني انثي ليا الحق اني احب و اتحب.. عايزه معامله اشبه بمعاملة الاميرات كده.. معامله اهلي موفروهاليش.. انا عارفه انه حرام.. بس مش قاده ابطل تفكير في الموضوع ده و اتخيل نفسي سعيده مع حد بيحبني و بحبه الموضوع كإنه ادمان.. بس انا اجبن من اني اعمل حاجه زيدي

Mango_30727 🇪🇬 · Accepted Answer

دا نتيجة فراغ 
حاولي تقضي وقتك مع صحباتك ومتحطيش الموضوع في دماغك 
وحاولي تحسني علاقتك مع اهلك ومتوهميش نفسك انهم مش بيحبوكي او بيعاملوكي اقل من اللازم 
وانتي لو صحتك النفسية وحشة دلوقت 
فصدقيني هتبقي اوحش لما ترتبطي
فده ضرر ليكي 
واتقربي من ربنا

Biscuit_29747 🇪🇬 · Answer

كام سنه انتي

Ice Cream_29984 🇪🇬 · Answer

خلي بالك عل نفسك كويس اوي

Coffee_27700 🇪🇬 · Answer

ده مشاعر طبيعية بتجيلنا كلنا بعد سن المراهقه إحنا مخلوقين على كدة. فمتحسيش بالخزي أو العار أو الخجل من المشاعر دي. بس نقدر نتحكم فيها بما يناسب ديننا ومبادئنا وقيمنا

Orange_30261 🇪🇬 · Answer

من ايه؟

Orange_30392 🇪🇬 · Answer

انا نفس الكلام و حرفيا تعبت لان كل اللي حوليا مرتطبتين تقريبا بس بإذن الله مستنى لما ابقى قادر اتجوز.
و نصيحة مني تحافظي على نفسك لان الرجالة او "الشباب" اليومين دول وسخين زيادة عن اللزوم

Pineapple_30607 🇪🇬 · Answer

عادي طبيعي يجيلك بس افتكري ان مفيش علاقة ربنا مش قابلها بتدوم والشباب معظمهم بقوا مش كويسين فبلاش افضل ممكن تتصاحبي فحدود الادب

Orange_30261 🇪🇬 · Answer

بحاول والله على قد ما اقدر... بس حاسه بخنقه و زهق

Biscuit_30746 🇪🇬 · Answer

حصل والله

Ice Cream_29984 🇪🇬 · Answer

هقولك من ايه، انتي عندك فراغ عاطفي كبير جدا ف ممكن اي حد يستغل ده، ويوهمك بحجات مش حقيقية ويدمرك ونتي هتبقي بتتعلقي باي حاجة من غير ماتحسي يعني اقصد متدخليش ف السكة دي انا بنت زيك عل فكرة

Avocado_21982 🇪🇬 · Answer

وانتي مفكرة انك لما تعملي حاجة حرام هترتاحي او هتلاقي اللي بتفكري فيه ده 
انصحك تشوفي مشاكل الناس هنا اللي هي عبارة عن خوازيق وبيجيلهم تروما 
خديها قاعدة (اي حاجة لا ترضي الله نهايتها مش هترضيكي) 
وانصحك بما نصحنا به رسول الله ﷺ 
صومي

Nutella_30720 🇪🇬 · Answer

بصى يا برتقاله يا قمر انتى 🥰كده كده هتتجوزى وهيدخل حد حياتك تعرفى أن كل الشباب دلوقتى كدابه وكل اللى هما عاوزينه يضحكوا على بنات الناس مهما قال دا بتاع كلام تخيلى لو الرجل اللى هيكون خطيبك عرف ان كان فى حد فى حياتك هتنزلى من نظره تخيلى بقا لو انتظرتى وبقيتى أميرة الاميرات وكبرتى فى نظره كلنا عاوزين نعمل زيك بس للاسف اكبر غلط والله ويارب تتجوزى رجل صالح 🤍

Orange_30261 🇪🇬 · Answer

انا بشكرك على النصيحه و انت معاك حق و كل حاجه و ربنا يهدينا جميعا. بس برجاء متحكمش على حياتي و انت متعرفش عنها حاجه. و شكرا مره تانيه

Coffee_30620 🇪🇬 · Answer

بيقلك بعد الصبر جبر و لما تصبري علي الحلال ربنا هيديهولك باحسن صوره انما لما تعملي الحرام هو هيبقل مجرد سراب و هم فتره و هيختفي ابني نفسك و كيانك و روحك انت و بعدين ربنا هيكرمك لأن الحب و الجواز رزق ربنا شيلو لكل واحد فينا بالحلال

Coffee_27700 🇪🇬 · Answer

خرجي مشاعر الحب دي لاصحابك واهلك. واشغلي وقتك برياضة وأنشطة تطوعية وقراءة شغل اونلاين هاندميد ، موهبة. اكتشفي نفسك وحبيها

Strawberry_29159 🇮🇹 · Answer

خليكي عندك صبر  والارتباط مش بيبق بالطريقه دي انا شاب وبحزرك من شباب اليومين دول

Avocado_21982 🇪🇬 · Answer

بالعكس انا مجبتش سيرة حياتك او اتكلمت عنك انتي 
اللي اقصده ان انا شاب وبقولك اننا بقينا وحشين اوي واستغلاليين سواء بنات او ولاد 
خلي بالك من نفسك والارتباط والله حاجة مؤقتة وفيك اصلا

Kiwi_30740 🇪🇬 · Answer

مش كلهم والله

Orange_30261 🇪🇬 · Answer

شكرا

Orange_30261 🇪🇬 · Answer

شكرا

Orange_30261 🇪🇬 · Answer

تسلميلي❤
بس انا بردو خايفه من فكرة الجواز.. ميطلعش زي الي في احلامي او عل اقل يكون حنين و يحبني و يطلع زي اهلى

Orange_30261 🇪🇬 · Answer

شكرا ❤

Orange_30261 🇪🇬 · Answer

اشمعنا؟