انا واحده كتومه جداً ومليش علاقه بحد ولا بحب اكون علاقات ولا اتصاحب مع حد انا صحابي يتعدوا عالايد كذا حد منهم م سالك بس انا معنديش الا هما ف عادي م فارقه اوقات كتير ببقا متدايقه من حوار ان مليش صحاب ولا علاقه مع الناس وبرجع اشوف الحوارات اللي بتحصل بين العيال وكدا اقول انا كدا احسن بعيده عنهم ومليش دعوه بوجع الدماغ بس انا طول الوقت زهقانه ومخنوقه انا ممكن اقعد بالاسبوع ولاتنين منزلش الشارع ولا اروح ف حته وعادي معنديش مشكله بس بيجي عليا وقت نفسيتي بتبقا تعبانه انا مش شخص مفضل عند حد كل واحد منهم عنده حد هوَ ده صحبه وكل كلامهم وهزارهم مع بعض وكدا انا حساسه جداً وبزعل م اقل الحاجات بس عادي انا مفيش ولا مره فحياتي قولت لحد اني زعلانه منه وانا مش ببقا عايزه حد يزعل مني انا اخر واحده تزعل الناس انا اه بتعصب وبزعق بس انا قلبي ابيض وبعدي بس مش بنسي حاجه اتقالت واثرت فيا كنت اتمني ان يكون حواليا صحاب ويحبوني زي م انا بحبهم انا م بعرف افضفض مع حد ولا جربت ولا حتي لو جربت حد هيسمعني انا ف تانيه ثانوي وكل اللي حواليا شايفين وعايزين اني اذاكر واروح دروس لو قولت زهقانه يقولولي انتي اي اللي يزهقك انتي اللي زيك ميبقاش بيعمل حاجه غير يذاكر ومدرسه ودروس انا طول الوقت لوحدي حتي م بقعد مع اهلي حاسه اني م مهمه عند حد ولا في حد بيحبني ووجودي زي عدمه عندهم انا كل يوم بقعد لحد زي دلوقتي الساعه داخله عل ٩ مش عارفه انام من التفكير معلش انا طولت اوي بس انا مبعرفش اقول الكلام ده ولا افضفض مع حد

9

8