صدمة في أول علاقة حب.. اكتشفت إنها خدعة من صحبي!

Question

انا متعلق ب واحده اتعرفت عليها عن طريق الانستجرام والمشكله ان بعد حب وحديث 3 سنين اكتشفت انه واحد صحبي بس عامل اكونت بنت وبيهزر وكدا وحاليا انا في حاله صعبه نفسيا جدا قد ايه انا كنت شخص غبي (بالمناسبه دي كانت اول علاقه حب بيني وبين شخص في حياتي)

Blueberry_41475 🇪🇬 · Accepted Answer

حقك عليا انا والله 
صديقتك دا شخص غير ناضج و مؤذي اتمناه انك تعمله بلوك من منصات التواصل الاجتماعي و متعملش معاها تاني و حاليا حاول تركز انك متقعش في نفس الغلطه تاني يعني بلاش اي علاقات من السوشيال ميديا و لو فيه اتاكد ان الاكونت مش فيك عن طريق فيديو كول او فويسات او اي حاجه يعني بيبان

Cookies_25519 🇪🇬 · Answer

صاحبك دا تقطع معاه بجد ٣ سنين بحالهم !!!! دا ليك حق ماتكلمهوش تانى ولا تعرفه اصلا بجد حسبى الله ،

Strawberry_42217 🇪🇬 · Answer

ربنا مش هيسيب صاحبك كدا والله هتتردله و هتاخد حقك منه يوم القيامة متقلقش و حسبي الله فيه  بجد حاول تنسي بجد و بطل تلوم نفسك انك كنت غبي و معرفتش أن ده صاحبك كل ده لان دي اول علاقة ليك و اكيد مكنش عندك خبره و متزعلش والله حقك عليا

Cookies_40996 🇪🇬 · Answer

بني ادم سخيف وتافه الاحسن متعرفوش تاني وتقطع معاه تماما وربنا يعوضك خير

Blueberry_41475 🇪🇬 · Answer

وبالنسبه ل نفسيتك حاليا اول حاجه متقولش اتعلقت بواحده عشان انت كدا مصدق انها شخصيه حقيقه لازم تواجه نفسك و مشاعرك انك اتخدعت وان الشخصيه الي انت اتعلقت بيها دي مش حقيقه وكل حاجه كانت فيك و تقبل مشاعرك دي و امسح الشات و الصور الي كونت الشخصيه دي في دماغك وحاول تركز علي نفسك الفتره دي و شوف اي حاجه تسعدك و اعملها او انزل تمرين في اي رياضه او جيم او اتفرج علي مسلسل بتحبه اقعد مع صحابك الكويسين

Blueberry_41475 🇪🇬 · Answer

واتمني انك تبقا بخير وان شاء الله تبقا كويس هي مساله وقت وهتنساه ولو احتاجت تتكلم عن حاجه انا موجوده في اي وقت

Avocado_38837 🇪🇬 · Answer

حسبي الله هي المشاعر دلوقتي بقى بيتلعب بيها

Corn_41657 🇪🇬 · Answer

متقولش صاحبك بس😂😂😂💔

Peanut_34419 🇪🇬 · Answer

ازاي تحب حد وانت مشفتوش ! 
٣ سنين بتتكلموا مخرجتوش مره !!

Sugar_32773 🇪🇬 · Answer

هو غفلك ال 3 سنين ازاي مش فاهمه يعني ولا مره خرجتو ولا اتكلمتو فيديو كول ولا بعتلك فويسات مثلا اومال بتحبو بعض ازاي ؟؟🙂🙂🙂🙂🙂🙂