أنا حاسس علي طول اني في سباق و اني عمال بعافر مع الدنيا و برخامه و دايما شايف نفسي المفروض اكون في مكان احسن بس الدنيا مش ماشيه معايا و كل ما اقول اني خلاص باخد خطوات اطلع بيها لقدام ألاقي نفسي برده بعافر و الدنيا مش راضيه تضبط قررت اني معوزش حاجه خالص و ساعاتها كانت الدنيا بتضبط اوي بس لما ببدء اعوز و احاول أحط خطط اني أحقق حاجه معينه بحس ان الدنيا بتشتغل عكسي أنا زهقت من كتر المعافره و اتخنقت من كتر ما بعشم نفسي و مش بوصل لحاجه مع اني المفروض ناجح في حياتي أنا كان نفسي امشي في اتجاه معين بس ربنا وجّهني لاتجاه تاني و أنا راضي بس الاتجاه التاني ده مش راضي يضبط أنا حاسس ان عمري بيتسرق مني كل يوم لا أنا حققت الشغل الي عاوزه و لا أنا وصلت لراحه الروح الي طول عمري بدور عليها أنا تايه و بدور علي نفسي و مش عارف اروح فين و لا احس منين و حاسس ان ربنا معايا بس الدنيا مش بتضبط مش عارف اعمل ايه حتي الي بكتبه ده مش عارف اخره ايه أنا نفسي ابطل اجري ورا الفلوس و اني ابقي غني و هو ايه أصلا أنا عاوز ابقي غني و ليه مش حاسس اني غني أصلا أنا حاسس اني محبوس جوا مصيده مش عاوز اخرج منها و محتاج حد يجي يشدني و يخرجني منها

1

4