بحب ولد بيحب بنت تاني ومتدايقة

Question

انا بدائت احب ولد بنتكلم شات وهو بيهتم بيا فعلا و طول اليوم بيكلمني و بيهتم بجد وبيحترم حدودي و بيعمل اللي يرضيني حتى لو هو مش عايزه و كلامه بيعبر عن حبه بس مش بالشكل بتاع العيال اللي بيتسلوا بتبقى حاجات بسيطة طالعة من القلب كده بس هو بيقول انه بيحب بنت تاني و حاكالي عنها قبل كده ف انا بجد متدايقة ومش فاهمة هو بيبحبني ولا بيحبها مهو الحركات بتاعته مش حركات ناس بتتسلى او مش بتحب

Jackfruit_51332 🇺🇸 · Accepted Answer

حب الشوشيال ممكن يكون حقيقي من ناحيتك بس متعرفيش ممكن يكون اي مع اني مريت بنفس الموقف وحبيت وللاسف مش مضمون ونادر اوي لما يكون بجد فا  حاولي بجد تخلي الموضوع تجاه الصحوبيه لان في الاخر الموضوع مؤلم جدا وزيه زي الحب الحقيقي الواقعي ونهايته صعبه حاولي تكوني صريحه ويكون صريح معاكي ويجيب من الاخر علشان ميكونش في النهايه ارهاق ليكي

Strawberry_51933 🇪🇬 · Answer

ماشي ما انا مينفعش اقوله اني عندي مشاعر تجاهه و هو عنده مشاعر تجاه بنت تاني  بس هو بيقعد يقول كلام زي ربنا يديمك في حياتي و حاجات زي دي و هو اصلا مبيكلمش بنات غيري لا صحوبية ولا حب و اول  ما اتعرفنا كان بيقول انا اخوكي دلوقت بيقول احنا اصحاب

Jackfruit_51332 🇺🇸 · Answer

فاهمك بس دي كلمه مش متحدده عادي بنقولها لصحابنا الي عايزين ربنا ميبعدناش عنهم فهماني قوليلوا في مره انا بالنسبالك اي وكدا وحاولي تفهميه ويكون واضح فهماني لان مينفعش نفكر ان دا حب وهًوا فعلا ممكن يكون متاثر بحد تاني وكدا

Strawberry_51933 🇪🇬 · Answer

هو قالي اني غالية جدا على قلبه و مع انه ملوش في المذاكرة خالص  صحي من نومه عشان يذاكر معايا عشان مبعرفش اذاكر لوحدي و مرة قبل كده كنت قيلاله اني هخرج و هاجي بعد ساعة و رجعت بعد تلات ساعات لقيته كان باعتلي بيسأل عني و بعدها بشوية باعتلي بيقولي (طمنيني عليكي بقى) و لما بأخر في الرد كتير بيقولي انه بيقلق

Strawberry_51933 🇪🇬 · Answer

ومش بأخر مثلا يوم كامل لا ده مثلا ٦٫٧ ساعات بكون نايماهم

Jackfruit_51332 🇺🇸 · Answer

فاهمك والله هو موضوع الاهتمام دي حاجه كويسه انو بيهتم بس المشكله في التحديد هل اهتام حب ولا اهتمام علشان انا بحب صاحبتي وهيا بالنسبالي صحبتي وانا بحبها وبهتم بيها علشان هيا صاحبتي واقرب حد ليا ممكن تتحسب كدا عادي مش بقولك توقعي الاسواء بس المهم انكم تكونو متفقين مع بعض بس اهم حاجه

Strawberry_51933 🇪🇬 · Answer

هو مؤخرا بقى يقرب مني بالكلام اللي هوا تقول بيحبني و لما اقرب انا منه كمان هو يبعد خالص ف انا مش فاهماه

Jackfruit_51332 🇺🇸 · Answer

اتكلمي معاه بصراحه قوليلو هل انت بتحبني كدا صريحه

Strawberry_51933 🇪🇬 · Answer

لا ما خلاص قفلت معاه عشان حرام وهو رده كان محترم وفرحني عشان انا كنت شاكة فيه مؤخرا انه بتاع بنات اصلا وبيتسلى