انهرضت من صحبي ونزل مع صحابه التانين

Question

انا انهرضه كنت اتخانقت مع اهلي ف البيت و انا في فتره مش احسن حاجه و كنت محتاج انزل فا  انا كلمت صحبي و قلتله يسطا انا مخنوق و شديت مع اهلي و عايزك تنزل معايا رد عليا و قالي انه مش هيعرف ينزل عشان خاطر ولدته هيعملها حاجه و كده و انه هينزل بليل قلتله ماشي و نزلت لوحدي و بعتله قلتله انا لوحدي و هزرت و كده فا صدفه عرفت انه نزل مع صحابه التانين في مكان ابعد من الي احنا كنا هننزله اصلا و عرفت صدفه انا مش عارف اتصرف ازاي خايف اعاتب و خايف اسكت ابقي متضايق اكتر

Pistachio_56152 🇪🇬 · Accepted Answer

هو متفق مع صحابه متجيش انت علشان حصل ظروف عندك تغيرلو حياتو بالعكس هو كان شيك معاك ومرداش يجرحك ويقولك مش فاضي وحاول يديك حجه علشان ميجرحكش  يعني بيخاف علي مشاعرك

Watermelon_60376 🇪🇬 · Answer

بص الموقف ممكن يكون ليه كذا عذر يعني هو ممكن يكون كان متفق مع صحاب دول وكان نفسه يخرج معاهم بس ومديهم كلمة وفي نفس الوقت انت ملكش في جوهم اوي او هم مش شبهك اوي فمحبش يحرجك او يحرجهم فيعني حاول تلتمسله العذر هو لو صاحبك أكيد مش هيقصد يضايقك

Coconut_58539 🇪🇬 · Answer

هوا المشكلة الاكبر انك تشد مع اهلك ، دول ميتشدش معاهم حتى لو هما غلط .
اهلك هما الوحيدين اللى متقبلين وجودك معاهم بعيوبك وتقصيرك وحبينك مهما زعقو فيك وهيفضلو داعمين ليك والوحيدين اللى عايزين كويس احسن منهم عشان يتباهو بيك ، واللى ملكش غيرهم وهتلف وترجعلهم وزى مشفت صحبك كده محدش غيرهم هيبقى عليك.
وصحبك ساعدك تشوفه وتحدد حجمه صح تمامه صاحب قعدة او مجرد معرفة

Apple_59652 🇪🇬 · Answer

يسطا كومنتك ده هون عليا تفكير كتير اوي بجد

Watermelon_60376 🇪🇬 · Answer

صدقني كلنا اتحطينا في الموقف ده واه غصب عنك حقك تضايق لكن بردو اعذره هو أكيد ميقصدش وكلنا صحابك يعم ولا يهمك وكلنا كنا بنشد مع أهلنا بردو مفيش حد ملاك المهم راجع نفسك وشوف غلط في ايه واتعلم وهي الدنيا كدا

Chilli_60208 🇪🇬 · Answer

كنت قريت قبل كدا عن let them theory 
وبقيت اتعامل بالطريقة دي للاسف اللي بيعمل التصرفات دي ماينفعش نعاتبهم يا اما نكون بنقلل من نفسنا .. التصرف دا معناه انه يا اما مش عاوز ينزل معاك وحابب صحابه التانين اكتر يا اما هو كان متفق معاهم هم م الاول " وف الحالة دي مش فاهمه هو ماقلكش ليه وخبى الموضوع" ف كلتا الحالتين براحته وهو حر .. كل واحد ف حياتنا هو اللي بيحط مكانته عندنا بايده

Apple_59652 🇪🇬 · Answer

انا بقي مشكلتي في انه كدب و قالي ولدتي تعبانه و هعمل اكل و كل ده انا مستني اشوف الساعه 12 هينزل معايا زي ما قالي ولا هيقلي مش قادر و امي و مش امي و لو فعلا ده حصل ساعتها هتضايق فتره بس و هبقي بعدت عنه