أمي دايماً بتقولي إني فاشلة ومش كفاية

Mushroom_74773 🇪🇬

منذ يوم واحد

شعور محبط

موضوع:

إزاي العلاقات السامة بتسرق منك نفسك؟

عندى امى طول الوقت بتقولي انتي فاشلة دايما مقارنة مع اختى نفس الكلام اختك معاها فلوس وانتي لا اختك الأصغر منك عرفت تتجوز وانتى لا مالك كدا مش زي بقية البنات مابتلبسيش حاجات فاتحة جميلة وتحطي ميك اب وتعرفي تجيبي زوج وبعدين ترجع تقولي دا لو حد اتجوزك مش هيطيقك مابتعرفيش تثبتي في شغلانة كل بنات العمارة يا متجوزين يا شغالين وانتي الوحيدة اللى قعدالى كدا ولما بكون شغالة بتفضل تقولي سيباني لوحدى وما بتقعديش معايا لما بترجعي وانا بخاف سيبي الشغل لو حصل وعرفت انه فيه حد معجب بيا في الشغل تبدأ تديني نصايح ازاى ارتبط بيه حتى لو انا مش عايزاه ولو حصل وكلمته مرة واحدة بس وبيبقى اصلا حاجة في الشغل تبدأ بقى يارب ما يكون طمعان فيكي فلوسك بتنقص ليه شهاداتك في البنك زى ما هى وريني وتبدأ تقفل باب الشقة لأحسن يكون ناوي يجي يقتلنا مافيش حاجة بترضيها دايما فيه مشكلة على اى حاجة ودايما انا وحشة ومهما عملت مش كفاية

بواجه مشكلة ف الارتباط ومحتاج شريك حياة يدعمني

انا بواجهه مشكله ف الارتباط مفيش توفيق خالص معايا في المواضيع دي ومكنتش بهتم بموضوع شريك الحياه ده بإهتمام اووي بس بعد م اتخرجت واشتغلت بوظيفه ثابته كويسه الحمد لله لاقيت نفسي محتاج شريكه حياه تشاركني كل ده وتكون داعم ليا وقت ضعفي او وقت احباطي ووقت م احتاج اتكلم مع حد من غير م اكون قلقان بس مش عايز اي حد وخلاص وليا متطلبات ومواصفات معينه حابب واتمني وجودها وخصوصا اني معنديش الشخص القريب اووي ف حياتي وعندي خصوصيتي مهمه جدا وزملاء العمل مجرد زملاء عمل مش اكتر لان بيئة العمل سامه جدا وتعبتني نفسيا وبقيت شخص مش انا خالص موخرا حسيت اني مفتقد الشخص اللي يبقي بالنسبالي كل حاجه ف حياتي و اكون برده كل حياته ومفتقد الاهتمام ومحتاج وجود حب ف حياتي مع شخص مناسب يقويني ع كل ده 💔💔💔💔 اتقدمت لكذا حد ومعجبنيش ومحستش بقبول واا براحه غير مع بنت واحده بس مؤخرا وللاسف اتعاملت بقلبي معاها وبكل صراحه ووضوح واكتشفت اني كنت غلطان ف ده اني ملقتش اي اهتمام ولا تقدير ولاقيت نفسي مطالب ابرر كل كلمه وكل فكره متاخده عني بشكل مش مظبوط من وجهه نظرها حسيت اني بجاهد ف العلاقه فقررت انهيها برغم انها اول بنت اميل ليها وارتاح لها بقلبي بس العقل والمنطق اني كنت هتعب جدا معاها بالاسلوب ده 😓😓😓💔💔💔 ...عرض المزيد

1 الدعم

14 نصيحة

مش عارفه أرجع أتمرن سباحه و نفسيتي وحشه

انا بنت عندي 14 سنه و انا بلعب سباحه من و انا صغيره جدا يعني ممكن 3 أو 4 سنين المهم انا كان عندي بطوله في شهر 10 أو 11 الي فات هي كانت بطوله منطقه للثنائي الي هوا سباحه و جري المهم أن انا فضلت بتمرن البطوله دي كتير جدا و فعلا اتحسنت و ارقامي اتحسنت شويه مع العلم أن انا اصلا مش سباحه انا بلعب ثنائي المهم انا طلعت البطوله دي و اليوم دا مكنش معايا حد من اهلي و الكابتن بتاعي اتاخر و جه بعد ما انا خلصت السبق بتاعي و انا كنت نزله السبق بتاع السباحه عارفه انا بغلط في ايه و عايزه اركز فيه عشان اكون احسن و انا عرفه أن هما كدا كدا هيسبقوني عشان هما سباحين و انا لا المهم اليوم دا كان الجو وحش جدا و كان سقعه و انا نزلت السبق رجلي كانت مجمده و مش عارفه اعمل رجلين و كان سبق وحش جدا و كنت اخر واحده و رقمي كان وحش اوي و خلصت و الكابتن جه و قولت له الي حصل هوا فعلا الكابتن مقصرش هوا فعلا عمل الي عليه و زياده و هوا قالي عادي مش مهم تتعوض مره تانيه و خلاص و بعدها نزلت السبق بتاع الجري و كان كويس الحمد لله بس انا من بعد البطوله دي و انا مش عارفه ارجع التمرين تاني كل ما ارجع التمرين و بشوف مستوايا عامل ازاي و كان زمان ازاي بزعل اوي و بدايق و وقفت فتره بعدها و نزلت تاني و رجعت وقفت عشان رمضان و كمان الشهرين الي بعده عشان الامتحانات و دلوقتي المفروض ارجع اتمرن تامي بس انا فعلا مش قادره اني انزل و حاسه اني خلاص مفيش فايده و مامتي كمان كل شويه بتقولي انتي متواطئ مش حلو و مهما أقنعها و اقول لها هي مش مقتنعه هي عندها أن طول ما انا طلعت البطوله و ماخدتش ميداليه أو مركز سبقه انا مستوايا وحش و هي اصلا مش بتيجي معايا التمرين ولا حتي البطوله و انا فعلا مش عارفه اعمل ايه كنت بفكر العب رياضه جديده و هي كل شويه لا مش هتفلحي فيها و بجد انا مش عارفه اعمل ايه و نفسيتي وحشه اوي بسبب كدا و المشكله اني بحب السباحه جدا بس مش عارفه اعمل ايه ...عرض المزيد

4 الدعم

3 نصيحة