بالنسبه لظاهره انتشار الناس اللي بتعمل خير وتشير على السوشيال وتلاقي كل واحد ربنا رزقه بقرشين يشتري حاجه وينزل يوزع على الغلابه حتى ولو بحاجه بسيطه يروح مصور فيديو ومنزل على السوشيال وشد ايديك معايا ومعرفش اي باختصار شديد انا مش منزل البوست عشان اقولك هو حر ينزل او انت حر تعلق ولا كل دا الموضوع جه فبالي عادي جدا الموضوع كله ان واحد بيعمل خير وبينزله بيعمل خيرر ويصور ومشاهدات وبتاع انا متفق معاك انه كدا ضيع ثوابه لو نيته الظهور باللي بيعمله او رياء وانا مليش دعوه بنيته طبعا ان بعض الظن اثم في ناس بتنزل عشان تشجع الباقي وفي ناس بتنزل عشان الناس تقلدها فانا مليش دعوه بنيه حد وانت كمان ملكش دعوه بنيته الله اعلم بيها هو مهما عمل مهما صور مهما نيته كانت انه يشجع او حتى يتفاخر بص الناحيه التانيه ان في واحد غلبان ربنا رزقه بدا يعني في الاول وفي الاخر اسمه عمل خير فرح حد خد ثواب او مخادش ثواب دي مش بتاعتنا فانت بكل بساطه متدخلش في تعليقات تشتم وتزعق وتقوله حديث وتقوله آيه عادي قوله يمكن ميعرفش لكن متشخصنش الموضوع في ناس بتدخل تدعي على صاحب الفيديو ليه مش عارف وفي النهايه حابب اقول اللي عاجبه الكلام اهلا وسهلا واللي مش عاجبه اهلا وسهلا لو حد حابب اكتب عن اي موضوع يبعتلي 😁

7

0