انا عندي سؤال لفئة معينة من الناس، هو انتو ناويين تنضجوا امتى؟ مهو اصل بجد الواحد بقى بيشوف عبث، زي موضوع الاعتذار، المعروف والبديهي ان الغلطان بيعتذر سواء راجل او ست، هما بقى في منهم فئة شايفة ان لازم الراجل هو اللي يعتذر حتى لو هي اللي غلطانة، وفئة شايفة ان لازم الست هي اللي تعتذر حتى لو هو اللي غلطان، والفئتين ليهم وجهات نظر بصراحة مضحكة وسخيفة وعايزين الناس تعاملهم كأنهم فاقدين الاهلية! مهو اصل معلش انت/ي غلطت في حق شريك حياتك، عايزه هو اللي يعتذر ليه؟ على انهي اساس؟ هل انت/ي فاقد/ة الاهلية؟ ولا انت/ي طفل/ة عندك 5 سنين عايزه ياخدك على قد عقلك؟ اصل بجد الموضوع مستفز وفيه وقاحة، انك تأذيني وتستنى مني انا اللي اعتذر! لا يا حبيبي تغور في داهية وييجي غيرك ألف! فانضجوا يا جدعان، الغلطان يعتذر سواء راجل او ست، مفيش حاجة اسمها "ده راجل، لازم هو اللي يعتذر" او "دي بنت، لازم هي اللي تعتذر" المعروف والبديهي والطبيعي ان الغلطان يعتذر بغض النظر عن جنسه، غير كده يبقى عبط وعبث!

1

0