عايزه أتكلم في موضوع حساس شويه بس أنا بجد بستغربه ويستغرب الناس اللي بتفكر بالطريقه دي . يعني إيه حته نسيج رقيق أو شويه دم ما لهومش لازمه بيدلوا على شرف البنت؟!!حاجه عجزت أفهمها إزاي أنت كأب أو أنت كأم بتمنعوا بنتكم عن فعل نشاطات عاديه وأبسطها ركوب الخيل لمجرد إن في بعض الأقاويل اللي بتقول إن هو بيأثر على الغشاء ؟! لو جينا نتكلم بالمنطق وبالدين والعقل هنلاقي إنه من الناحيه الطبيه في أنواع ليه وبيختلف سمكه من فتاه لأخرى وعلى حسب السُّمك هو اللي بيحدد هل هيتأثر بنشاطات بدنيه عنيفه أو لا!وفي بنات بتتولد من غيره وفي بنات عندها بس لما بيحصل له حاجه ما بينزلش دم لأنه مش مُبطن بشعيرات دمويه كفايه عشان تنزل دم وكمان بيختلف أشكاله . من الناحيه الدينيه بقى ما فيش حديث أو آيه بيدل إن الغشاء هو دليل عفه أو شرف البنت لأن وجوده أو عدمه ما بيعكسش أي سلوك غير أخلاقي بل ربنا خلقه أساسا عشان يحمي الجهاز التناسلي للمرأه من رحمته بينا وطبعا ممكن يكون في أسباب إلاهيه تانيه إحنا ما نعرفهاش . الخلاصه الغشاء مش دليل على الشرف لأن الشرف كلمه أعمق وأعظم بكتير من إن يدل عليها شويه نسيج وشويه دم. ولو هو فعلا مقياس للشرف هل ده معناه إن الرجال معندهمش شرف؟! أكيد لا وده ليثبت لنا إن إحنا ما ينفعش ناخده مقياس للشرف أبدًا لأن في بنات كتير اتظلموا بسبب الموضوع ده . وبلاش حد فيلسوف يجي يتفلسف عليا ولو حد عنده إجابه مقنعه يقول ولو معندكش أسكت .

22

29