صراع العودة للدين وضغوط العمل

Question

السلام عليكم

الفترة دي بحاول ارجع التزم دينيا تانى حفظ قران و سنن و اهذب اخلاقى بس حاسه الشغل مش بيساعدنى خالص الايام اللي بنزل فيها الشغل غصب عني بقع في ذنبين الغيبه و اطلاق البصر شغلى فيه رجاله كتير للاسف و لازم اتعامل معاهم انا حاطه حدود الحمد لله بس بالنسبه للنظر مش عارفه خالص تانى حاجه بفكر جديا انه اتجوز و اقعد في البيت بس بما انه مفيش حد متقدملى حاليا فلازم اشتغل لانه اهلى معتقدين انهم مش صرفوا عليا و علمونى كل ده عشان اقعد و مشتغلش حتى كل اللى اتقدمولى اهلى كانوا بيشرطو عليهم انى افضل اشتغل بعد الجواز و هما كانو رافضين الشغل وانا كمان رفضه الفكرة الله المستعان ربنا يرزقنى بالزوج الصالح

Apple_65275 🇪🇬 · Accepted Answer

تبا لنزول البنت في بيئه فيها اختلاط 
انا عن نفسي بكره كده وبكره الفتنه اللي بتبقا اصلا في كل مكان بس عموما فكري جديا في قعودك في البيت ولو اهلك نزولكي شغل اعملي مشكله وسبيه

Nutella_57677 🇪🇬 · Answer

هيضيقو عليا في المصاريف لا هعرف اروح دروس و لا احفظ قرآن و لا اي حاجه

Apple_64978 🇪🇬 · Answer

و عليكم السلام و رحمة الله و بركاته 
بالنسبة لإطلاق البصر حاولي على قدر المستطاع تمسكي عينك كان الشيخ أحمد العربي قبل كدا عطا كام نصيحة تساعد في غض البصر منها إنك تنشغل بورد ذكر يعني هاتي خاتم تسبيح كدا و طول ما انتي مش وراكي حاجة أو قاعدة فاضية في الشغل أو حواليكي رجال حوقلي أو سبحي أو استغفري المهم بلاش متبقيش مركز في حاجة سواء شغل أو ذكر و خليكي ديما باصة و مركزة في حاجة دا هيساعدك

Apple_64978 🇪🇬 · Answer

بالنسبة للغيبة برضو ورد الذكر و الإنشغال فيه هيساعدك تمسكي لسانك و حاولي تبعدي عن الناس اللي بتساعدك ترتكبي ذنب الغيبة صديهم مرة في مرة هما هيزهقوا منك و يعرفوا إنك ملتزمة ملكيش في الغيبة و هيبعدوا عنك ...... و أحسن قرار واخداه هو فكرة عدم الشغل بعد الزواج و الله دي حاجة حلوة انتبهي لبيتك و أولادك و علميهم دينهم أحسن و كله ثواب ليكي ... ربنا يرزقك الزوج الصالح اللي يسعدك و يفرح قلبك يا رب 🤲

Lemon_64500 🇪🇬 · Answer

ربنا يثبتك و يرزقك الزوج الصالح عاجلا

Apple_65735 🇪🇬 · Answer

حاولي ع قد ما تقدري حرفيا انا ربنا هداني من بعد ما ابتديت اصلي تاني ربنا يسبتنا ويسبتك يارب