السلام عليكم انا ابتليت بالعاده السريه من وانا عندي 12 سنه ودلوقتي عندي ٢٠ سنه من وقتها وهي مأثره علي كل حياتي يمكن انا مكنتش واخد بالي لاني كنت مدمنها من وانا لسه طفل واكتر مده يمكن بطلت فيها كانت اسبوع مثلا متواصل ولما برجع برجع ليها اشد واقوي من الاول و اكتر من مره في اليوم انا فاكر ان وانا كنت في اعداديه كان اغلب الوقت بعملها ٥ مرات في اليوم دولوقتي تانيه في تانيه جامعه ومبطلتهاش حتي شهر طول لل ٨ او ال ٩ سنين اللي فاتو انا حاسس انها بتستنزف حياتي ومشاعري وكل حاجه حلوه في حياتي انا لسه فاكر المدرسين بتوعي وانا صغير وهما بيقولوا لاهلي ان الولد دا هيطلع عالم كبير لما يكبر انا يمكن الموضوع كان ماشي معايا كويس في الدراسه يعني في اغلب السنين طلعت الاول علي مدرستي وفي تالته اعدادي نقصت درجه في المجموع الكلي والترم التاني كان ابحاث واخدت الدرجه كامله ودخلت ثانويه والدي ظروفنا الماليه وقتها علفكره مش احسن حاجه والدي رفض يدخلني تمريض بعد الاعداديه مع ان الناس كلها قالته مش هتقدر علي مصاريفه ولكنه اصر وكان مؤمن بيا المهم انا مفتحتش كتاب ولا كنت اعرف اي حاجه في اولي وتانيه وجيت تالته لما بدأت ارجع اذاكر لقيت نفسي ضايع مفيش اي تركيز مش بعرف اركز بسببها في حرف في الحصص برجع اذاكر بعد اول ٣٠ دقيقه عيني بتلغوش ومش بقدر اركز و لا بذاكر بمارسها وانام اصحي تاني يوم للي بعده وهكذا المهم ان في اخر شهرين كمت بمارسها مره او مرتين كل اسبوع وذاكرت كويس ودي كانت اول مره في حياتي احط مجهود دراسي في حياتي واحس ان الموضوع صعب عليا المهم عدت ودخلت كليه طب انا حاليا بمتحن في فاينل سنه تانيه طب المشكله هنا اني لما دخلت الكليه اتكشفت قدام نفسي اسوء احساس في الدنيا لما تبقي الناس كلها شايفاك احسن حد ومحترم وانت شايف نفسك منافق و بتعمل الحرام كل يوم ولو قدرت امنع نفسي يوم او يومين وبرجع اشد من الاول انا بجد مش بقدر اسامح نفسي كل يوم او كل حد في مره يقولي انت محترم افتكر انا بعمل ايه علي الرغم من اني اول مادخلت الكليه والله بذاكر مش زي زمان بس هي كشفتني لما الوقت بقي ضيق اكتشفت قد اي هي مأثره عليا وعلي حياتي تخيل ان الكليه الفتره الوحيده اللي ذاكرت فيها في حياتي عموما علشان محدش يقول gpa انا عندي في كليه طب عندنا في الجامعه نظام اسمه نقاط معتمده مش GPA ف بنعتمد علي تقديرنا علي نسبه لاننا مش فاهمين الناظام دا المهم انا النسبه بتاعتي لحد دلوقتي ٧٠ في الميه انا مش متخيل ازاي دا بيحصل معايا انا لاول مره اكذب وافضل مكمل علي الكدب علي اهلي ان نسبتي ٩٠ في الميه وزعلانين انها ٩٠ بس مش قادر اتخيل رده فعلهم لو عرفوا الحقيقه انا العاده دي دمرتني ودمرت شخصيتي قدام نفسي وثقتي في نفسي انا قدام الناس المحترم الشاطر المتدين الواثق في نفسه اللي بيرفض بكلم اي بنت ولكن قدام نفسي انا انسان ضعيف مستاهلش اي حاجه من اللي انا فيها بسببها دمرتني ودمرت حياتي كلها معلش علي الاطاله والتفاصيل دي انا حسيت نفسي محتاج اتكلم فكتبت هنا اطلع كل اللي قلبي لاني شخص كتوم وحسيت نفسي معدتش اكتم في قلبي

4

13