"الصورة دايما ناقصه " تخيل معايا ان دلوقتي قدامك اكبر رجل اعمال ناجح جدا ف حياته عنده عربيه وشريكات ولف العالم قاره قاره ومعاه فلوس كتيره اوي وانت مفكر ان حياته كلها سعاده بقا واللي بيعوزوا بيجيبوا وكدا. ..! عايزه اقولك انك شوفت كل ده بنظره سطحيه معرفتش دا عمل ايه ع شان يوصل للمكان دا معرفتش دفع تمن دا قد ايه ع شان يوصل للمكان اللي انت شايفه دا .. متعرفش بيمر بإيه اصلًا الشخص اللي بيضحك قدامك دايما وع طول بتشوفوا مبسوط... وهو اصلا مش كدا .. لما بيتقفل عليه باب الاوضه بتاعته مبتشوفش اللي بيحصل فيه صراعاته مع افكاره ولا مشاكله العائليه ولا ولا.... الشخص اللي عنده صحاب كتير بتقول يابخته عنده صحاب بس انت متعرفش انه هو اتكسر واتخذل من كام واحد قبله ع شان يبقا عنده الصحاب دي. الخلاصه.... أنت مش بتشوف غير الصوره اللي الشخص دا عايز يبنهالك مش هتشوف هو دفع تمن اللي وصله دا ازاي مش هتشوف هو فقد مين ولا ايه اللي حصله وهو بيوصل لطريقه مش هتشوف تعبه وعياطه وانكساره مش هتشوف الكواليس !

10

0