السلام عليكم: انت عندك كام صاحب! ١٠_٢٠ تعرف النهارده تلف عليهم كلهم وتسالهم كم مره في حياتهم حصل معاهم انهم طلعوا صدقه لوجه الله من هنا و الخير نزل يرف عليهم من هنا هتلاقي الي يقولك كان عندي مشكله مستعصية اتحلت من عند ربنا بعد ما اتصدقت و الي يقولك كنت مديون و سدتت و الي يقولك بنتي كانت تعبانه و ربنا شفاها المشاكل الي هتسمعها كتير اوووي بس الحل كان واحد الصدقه النااس دي مشاكلها اتحلت لانها اشتغلت عند ربنا شوف انت بقا لما تشتغل عند ربنا مكافات و حوافز و تامينات و حلول لكل مشاكل حياتك و الفرصه قدامك و باب التعيين ما بيتقفلش عايز تشتغل مع ربنا بالقطعه كل ما تحصلك مشكله تحتاج منه طلب تقوم تطلع صدقه هوا كريم و مش هيكسفك عايز تبقي ناصح و تشتغل معاه علي طول وانت معاك او مش معاك هتكسب اكتر بكتير احكي موقف من عندي مش بقول كده علشان ابين اني بعمل حاجه حلوه و اني واوو لا بقول تجربتي في حاجه بنيه صافية المهم امي بتقولي علي طول لو عندك هم او في حاجه نفسك فيها اتصدقي بصراحه مكنتش بصدق بس ورق اخويا كان متعطل و امي طلعت صدقه بعدها بفتره الورق طلع و سافر كانت معجزه اصلا الورق كان بيتعطل من غير اي سبب اتاكدت ان ربنا عمل كل ده عشان حطنا سبب لي ناس محتاجه هما مش محتاجين احنا الي محتاجين منهم الحسنه و الدعوه الحلوه الي بتكون طالعه بقلب صادق و مليان حب وقتها و تخيل بقا انت في رمضان و ايام مفترجه و رمضان يا سلام بقا لو تقدر تعمل اي حاجه كده و توزعها و خصوصا اخر عشر ايام بس افتكر وانت بطلع الحاجه تكون فخمه انت مش هتديها لي اي حد و خلاص دي هتوصل لي ربنا قبل العبد اتمنى اكون خفيفه عليكم و ربنا يرزقك النااس كلها يارب و يدخل الفرحة في قلوبكم الي حابب اتكلم في حاجه يبعتلي بس و كان معاكم (H) 🎀

8

0