صحابي بيفضلوا الحرام وخلاني بعيدة عن ربنا.. أعمل إيه؟

Question

انا عندي صحاب هم اقرب حد ليا بس هم من النوع اللي عادي يصاحبوا ولاد و يرتبطوا و الكلام ده و ده طبعا غلط و حرام بس مفيش فايده قلت مره و اتنين و ثلاثه مفيش استجابه و المشكله مع الوقت بدأت اعمل حجات غلط طبعا لان الصاحب ساحب و انا مش حابه اكون كده تاني و حابه اقرب من ربنا اكتر و بحس انهم بيبعدوني عنه المفروض ايه الصح اعمل ايه مع فكرة اني حاولت كتير بس مفيش فايده

Chilli_28867 🇪🇬 · Accepted Answer

وفعلًا حتى لو انت مش بتعملي الغلط ده اصلًا ومستحيل تعمليه وبتكرهي التصرف ده 
مره في مره هتلاقيه عادي
وهتلاقيكي عاوزه تشوفي وتجربي

Chilli_28867 🇪🇬 · Answer

ابعدي عنهم، صاحبي اللي يشبهك

Blueberry_30825 🇪🇬 · Answer

بسي ابعدي تدريجي  وحولي تقللي كلام معاهم وغيري مثلا الأماكن الي بتتقبلو فيها الموضوع  هياخد وقت بس بعد كده هيبقو حد بنسبالك عادي الي هو تشفيهم تسلمي عليهم زي اي حد تعرفيه من بعيد

Tomato_30792 🇪🇬 · Answer

ابعد عن اي حد يبعدك عن ربنا حتي لو كان اعز صحاب ليكي انتي احسن وانضف من غيرهم

Ice Cream_30319 🇪🇬 · Answer

لو متمسكه بيهم اوى امسكي نفسك عن فعل الغلط لو عادي حاول تسبيهم

Marshmallow_29286 🇪🇬 · Answer

كنت زيك وكل صحابي كانوا كدا جربت انصحهم مفيش فايده ومش بيقتنعوا جربت اقلل الكلام بس لكن منفعش وكنت برجع اكلمهم تاني واكتر من الاول،ف قطعت علاقتي بيهم كلهم وكلامنا بقى على القد خالص بعد ما كنا اقرب ناس لبعض، اه بقيت لوحدي بس انا اختارت نفسي، لو كنت فضلت معاهم كنت هخسر نفسي وهبقى زيهم، وانا جربت والنهايه مكانتش حلوه خالص، ادعي ربنا يعوضك بصحاب شبهك ويشدوكي للخير، وادعيلي انا كمان معاكي💘

Broccoli_30220 🇪🇬 · Answer

ابعدي عنهم احسن او حاوليه تنصحيهم تاني و لو مفيش فايده ابعدي عنهم ولو مش عايزه تبعدي عنهم حاولي انك تصلي و تدعي ربنا و تفضلي ثابته علي قرارك انه اللي هما بعملوه ده حرام و ان انتي مينفعش تعملي زيهم

Banana_30291 🇵🇸 · Answer

في هذه الحاله الامر بسيط جدا هناك بعض الخطوات يمكن اتباعها ...ربنا بيقول لا يغير الله ما بقوم حتى يغيروا بانفسهم..
 انت مش تقدري تغيري فيهم حاجه لكن ممكن تغيري من نفسك واذا شافوك انت في جانب مختلف عنهم حيحاولوا يصلحوا انفسهم دي حاجه .
حاجه ثانية المرء على دين خليله.. بمعنى انا ممكن اعرفك كويس من شكل صحابك.

Potato_29886 🇸🇦 · Answer

الحل هو انك تبعدي عنهم وتقربي من ربنا اكتر وادعيه ان ربنا يرزقك بالصحاب الصالحين

Apple_30847 🇸🇩 · Answer

الصاحب ساحب واللي بيعيش مع الذنب حتى لو مش بيعمله بيألفه!

Pistachio_29314 🇸🇦 · Answer

ابعدي عنهم حتى لو هتفضلي وحيده فاانتي معاكي ربنا وربنا كفايه فاهمه؟ وفي صواب بصراحه مش فاكره كان حديث ولا ايه ان اللي بيسيب حاجه علشان ربنا ربنا بيعوضه احسن منها مليون مره

Guava_29799 🇪🇬 · Answer

اللي يخوف اني فعلا بدات اشوف الموضوع عادي و لما خدت بالي سحبت نفسي
بجد شكرا جدا على نصيحتك

Guava_29799 🇪🇬 · Answer

بحاول بس هم متمسكين بيا و الفكره مصرين على اني انزل معاهم بطريقه غريبه مش بيفهموا الاشارات و انا مبحبش اعذبهم فبجيبها من ناحية اهلي

Guava_29799 🇪🇬 · Answer

المشكله بحاول ابعد مبعرفش بجد مش بسببي انا هم مش متقبلين فكرة اني امشي هم واخدني سيف زون دايما بيحكولي مشاكلهم البي مليانه حجات متنفع و قد ايه هم مجروحين من الطرف الاخر ففكرة اني امشي بالنسبه لهم تقيله محدش هيسمع بعد كده انا كنت بسمع بس فمش قابلين اني ابعد خالص رغم اني بحاول بطريقه غير مباشره

Guava_29799 🇪🇬 · Answer

للاسف بقالي كتير بحاول مفيش فايده و انا تعبت من المحاوله مش عاوزه اوصل لمرحلة اني ارتبط بواحد مثلا و انا عمري ما عملت كده فمش عاوزه يسحبوني للقرف ده

Guava_29799 🇪🇬 · Answer

ديه حقيقه ربنا يقدرنا كلنا على طاعته و يهدينا

Blueberry_30825 🇪🇬 · Answer

بسي احسن حاجه طلامه  كده اعملي لهم بلوك من كل الابلكيشنز  الموضوع هي يبقي صعب  فحولي تشغلي وقتك باي حاجه بتحبيها بعيد عنهم بعد فتره هتحس ان وجدهم زي عدمه

Guava_29799 🇪🇬 · Answer

ديه حقيقه انا مقدرتش اغير حاجه بس انا اللي بقيت بتشاف زيهم مش هم اللي بيتشافوا زيي للاسف لانهم سحبوني واحده واحده

Guava_29799 🇪🇬 · Answer

هو حل كويس جدا فعلا بس مش حاسه اني هقدر اعمله مش علشان حاجه انا كده كده خدت قراري علشان ربنا  بس حاسه اني هجرحهم جامد اوي

Guava_29799 🇪🇬 · Answer

شكرا جدا

Guava_29799 🇪🇬 · Answer

للاسف هضطر ابعد مش هينفع اكمل لسه بندم على كل حاجه فاتت

Marshmallow_29286 🇪🇬 · Answer

فاهماكي انا زيك والله بس انا كان لازم افكر في نفسي وفي مصلحتي انا كمان، قوللهم انك متقدريش تفضلي صاحبتهم وهما سلوكهم كدا وهما احرار

Guava_29799 🇪🇬 · Answer

يا رب بجد شكرا جدا

Blueberry_30825 🇪🇬 · Answer

ممكن لو سألو  اولهم مسحتهم علشان المذاكره    وكده او موبيلي فيه مشكله

Guava_29799 🇪🇬 · Answer

هحاول اعمل كده شكرا جدا بجد ربنا يرزقني و يرزقك الصحبه الصالحه اللي تبسطك يا رب

Ice Cream_30319 🇪🇬 · Answer

اللي شيفاه صح اعمليه اكيد انت عارفه انت هتسبيهم ليه واكيد دا الصح ليكي

Guava_29799 🇪🇬 · Answer

خير ان شاء الله هحاول اعمل كده شكرا جدا

Mushroom_30653 🇪🇬 · Answer

بصي متبعديش عن حد بس خليهم زمايل بس انت نصحتيهم مره خلاص المهم تفكيرك ميتغيرش متخديش الصفات من حد ولا تندمجي معاهم اوي خلي في حدود مش في التعامل لا حدود مثلا انا نهزر نتكلم تمام اصدقار لكن الحجات دي مع نفسكم عشان اندماجك معاهم حتي لو مش بتعملي حاجة غصب عنك ممكن تشوفي ان دع كله بيغمل كدا يعني مش غلط وهغير عقليتك وتفكيرك ببطي

Guava_29799 🇪🇬 · Answer

حل ممتاز جدا بردو والله ممكن احاول احط حدود اكتر من كده بحيث افهمهم اننا صحاب بس مش زي الاول شكرا جدا لنصيحتك هطبقها باذن الله

Coffee_27700 🇪🇬 · Answer

خلي ليكي شخصيتك القوية اللي مش بتتأثر بالمحيط اللي حواليها. وشوفي صحاب يناسبوا أفكارك