عارفة؟ يمكن مفيش راجل في الدنيا ما يتمناش يعيش الحب بكل تفاصيله، بس في أوقات بيبقى الحب مش كفاية. الراجل مش دايمًا بيبعد علشان مش بيحب، أوقات بيبعد علشان مش قادر يدي، علشان الظروف ضغطاه، علشان كل يوم بيصحى شايل همّ الشغل، والفلوس، والمسئوليات، وهو نفسه في حضن وراحة، مش في ضغط وسؤال "ليه اتغيرت؟". الراجل لما يكون تعبان مش بيعرف يعبّر، بيتكتم، بيحاول يضحك، بس جواه حرب. يمكن تشوفيه بارد أو متبلد، بس الحقيقة إنه بيحارب عشان ما ينهارش قدامك. لما تحبيه بجد، ساعديه يوقف على رجله، مش تكسريه باللوم. اسأليه عن يومه قبل ما تلوميه على تقصيره، لأن كلمة حنان منك ممكن تفتحله باب الأمل اللي الدنيا قفلته في وشه. مش دايمًا الصمت معناه بعد، ومش كل تأخير في الرد معناه قلة اهتمام. أحيانًا هو بيحاول يلم نفسه قبل ما يكلمك عشان ما يفضّش همّه فيك. الحب مش اختبار صبر، الحب مشاركة. الست الذكية اللي بتحب راجل في ضيق، ما تسبّوش… تمسك بإيده وتفكره إن التعب مؤقت، وإنها معاه مش علشان اللي عنده، لكن علشان هو. وفي الآخر، الراجل مش عايز غير واحدة تفهم إن الحرب اللي جواه محتاجة حب هادي، مش ضغط جديد.

2

4