بخاف أفتقد اللي بحبهم.. الموت بقى مرعب بالنسبالي

Question

من كتر ما بقيت كل شويه بسمع ان حد م/ات
زمايلي او صحاب صحابي او قرايبي وهكذا
بجد بقيت بخاف اوي اخسر حد قريب مني وبحبه
بقيت كل ما اعرف ان حد م/ات حتى لو معرفهوش حرفيا بقعد اعيط كتير
انا مكنتش كدا وبطبعي مكنتش بعرف اتعاطف اصلا مع اي حد وكان بيبقى غصب عني.
بس بقيت خايفه اوي اخسر حد من الي بحبهم الم/وت بالنسبالي بقى حاجه مرعبه اكتر بكتير من الاول

Kiwi_34583 🇪🇬 · Accepted Answer

نفس الكلام بس حط فكره واحده في دماغك ان دي سنه الحياه ناس بتفارق و تبعد و كده كده هيجي يوم و الكل هيتقابل تاني فانت اشتغل على نفسك عشان لما تتقابل معاهم تبقو في حته حلوه

Chilli_51332 🇪🇬 · Answer

لاسف الموت ملوش ميعاد ولا سن بس ممكن تكون رساله من ربنا ان دي حاجه مش بعيده علي ا انسان مهما كان كلنا هنموت امته وفين وازاي دا شيء مقدر ودي حكمه اكيد وولو في خلافات مع اي حد قريب منك  حاولي تتصالحي ومتشليش في قلبك ومتخليش حد يشيل منك منعرفش بكره فيه ايه ومين عليه الدور

Mushroom_50936 🇪🇬 · Answer

الموت قضاء وقدر بس المفروض يكون لينا عظه من الموضوع انه احنا نقرب من ربنا اكتر نعرف نقول عملنا ايه لو وقفنا قدام ربنا يوم الحساب مش نخاف منه س نستعدله ونحسن من نفسنا ونقرب من ربنا اكتر واكتر ونعامل اللي حوالينا معامله حسنه

Coffee_33188 🇪🇬 · Answer

(ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰاجِعُونَ)…متخيل ان ربنا وصف الموت ب مصيبة ف طبيعي يكون ليه تأثير من الم وحزن ..بس الفكرة من الموضوع دا هو الخوف ع نفسك اللي هو لو انت مكان المتوفي دا دلوقت انت شايف نفسك عملك صالح ولا لا..هل اغتبت فلان هل عقيت ابويا و امي ..هل هل ؟!!  دي ف حد ذاتها مرعبة جداً ..ف طبيعي جداً انك تبكي بس ع حالك ولو عملك صالح وربنا كتبلك الجنة  ول حبيبك هتتقابلوا فيها بإذنه