بخاف أكون تقيلة على اللي بحبه

Question

انا شخصيه لما بحب حد ببقى علطول متحمسه كده معاه وبتكلم كتير وببقى شبه طفله ولو الشخص اللي قدامي مكانش معايا بنفس الطريقه بحس أن انا تقيله عليه وأن ممكن يشوفني مدلوقه وكده وممكن يكون مش حابب اني بتكلم
بخاف فعلا اني اكون تقيله على حد أو كده

Strawberry_74100 🇪🇬 · Accepted Answer

نصيحة مني حاولي تتغلبي على النقطة دي فيكِ، بمعنى قللي حماس شوية، خدي الأمور ببساطة، يعني أنت بتحبني أوك ماشي وأنا كمان بحبك وزي ما هتديني هديك بنفس القدر ممكن أزود بكمية قليلة، بس دا هيكون كرم مني، لأني أستحق الحب وأستحق إنك تعاملني أحسن معاملة، مش عاجبك شخصيتي مع السلامة، الناس كلها بتتعوض عادي
فاهماني؟

Hazelnut_63310 🇪🇬 · Answer

بالعكس شخصيتك دي تخلي الي بيحبك بجد يحب يكون معاكي علس طول ويبادلك نفس الاحساس او اكتر كمان

Cookies_63766 🇪🇬 · Answer

فعلا

Cookies_63766 🇪🇬 · Answer

ممكن اعرف منين أن الشخص ده بيحبني أو مبسوط بالطريقه دي

Mango_73900 🇪🇬 · Answer

الفكرة في نوع من الناس أما بيحب بيحب بجد بيدي كل الي عنده وفي ناس مبتقدرش دا لأنهم مطلبوش الاهتمام ده فا الصح بنتعامل على حسب الشخص الي قدامي ازاي هيقدر التعامل دا

Cookies_63766 🇪🇬 · Answer

ساعات بحاول ابقى كده بس بحسه طبع فيا لما بحب حد بحب اكون على طبيعتي زياده وكده بيبقى غصب عني

Hazelnut_63310 🇪🇬 · Answer

نظره عينه ليكي وهو بيتكلم معاكي من لهفته في الكلام معاكي من اهتمام وبيكي انك لو غبت عنه مثلا يوم يكون هيتجنن عليك انت فين طب انت كويسه كده فاهمه

Cookies_63766 🇪🇬 · Answer

بالظبط

Strawberry_74100 🇪🇬 · Answer

فاهماكِ والله، بس فيه فيديوز على اليوتيوب هتحل الموضوع دا عندك اسمعي فيديوز عن ازاي أبطل أتعلق بالناس وكدا، وحاجة مهمة أوي قربي من ربنا وخلي قلبك دايمًا متجه للجانب الديني، صدقيني والله هترتاحي وهتلاقي نفسك عندك سلام نفسي ومش فارق معاكِ أي حد