الجمال في العيوب :- لما الشخص بيتولد طفل بيتولد نقي تماما ومع تعامله مع العالم بيبدأ يحصل تعيرات في ملامحه وجسمه بشكل تدريجي وبتأثره بالعوامل المضرة الdna بتاعنا بيبدأ يعمل اخطاء وبيبدأ يظهر عندنا الحاجات الي بنسميها عيوب. ندبات من العالم الي كلنا عايشين فيه وبنعمل كل حاجة عشان نتخلص منها سواء كانت بقع سودة او حبوب او جلد زيادة او مجعد او وحمة او او او.. الي حدد الصورة الكاملة للجمال هو الخالق نفسه واي محاولة في التلاعب بالخلق ده بيحول الراجل او الست لصورة منسوخة بتفوح منها ريحة واحدة بس وهي المثالية .. بس مع الوقت اكتشفت ان كل انسان لبه بصمة مختلفة شخص ليه قصة اتنقشت علي جسمه سواء سمار من الشمس او بياض من التلج ندبة بسبب حاثة وهو صغير او حتي اعوجاج في الاظافر بسبب نقص فيتامين ب. كل انسان جميل ومميز بالقصة الي بيحكيها جسمه .. الاخطاء الي عملها وندم عليها وحاول يمسحها والمجاذفات الي مر بيها وآلام امتحانات القدر والحزام الي ابوه لبه بيه وهو صغير عشان راح صرف الفلوس كلها في الشبسي و الطلقة الي عمي خدها في الحرب واتسابت جواه.. كل انسان جسمه شكله شعره ملمس ايده الخشن او الناعم حواسه بنظارة ولا لسة كل ده بيحدد الشخص وبيبروزه .. بلاش ميك اب وبلاش فوتوشوب وفلاتر وسعي ورا المثالية الوهمية الي خلقها البشر حتي الشيخوخة فيها جمال الهي بيبروز سنين من الخبرة وتعزيز للنضج الفكري ♥️

2

0