كيف تتعامل مع الإنسان الغبي والنرجسي اللي مش بيشوف غلطه؟

Question

جماعه بتتعاملوا مع الانسان الغبى والنرجسى اللى مش بيشوف نفسه غلط خالص ازاى بالذات لو عايش معاك وحسانك مربوطه بيه انت ما تقدرش تتجنبه مهما حاولت اصلا مش هتعرف .. مهما حاولت اشرح الحاجه مليون مره ما بتتفهمش وبردو لازم يبقى فى هجوم او تعليق خيبته وغباءه او مشاكله على شماعة اى حد واى حاجه لكن هو لا ما بيغلطش .. شايف اى حد بيقول عكس كلامه غلط حتى لو دكتور او عالم هو مش بيعتمد حد .. وتلاقى مشكله قد كده 🤏 حولها خناقه كبيره ويفضل يستفز فيك لحد ماتطلع اسوأ مافيك وف الاخر تبقى انت الوحش اللى ماتربتش بجد التصرف يبقى ازاى عشان جبت اخرى

Pineapple_59566 🇪🇬 · Accepted Answer

النرجسي بيحب حد يقولو واو انتا صح واو انتا جامد جدا ومفيش غيرو صح ف الدنيا ومفيش غيرو ف الدنيا اصلا ف خد الشخص ده ع قد عقلو لان طبيعه الشخصيه كده مش هتتغير

Mushroom_52318 🇪🇬 · Answer

سيبه لدماغه وخدو علي قد عقله في اي حاجه متدخلش معاه نقاش، اي حاجه قوله انت صح وخلاص

Marshmallow_58142 🇺🇸 · Answer

انا بلاقى نفسى اقحمت ف نقاش من غير ما احس ولا اعرف ازاى او ممكن فى كلام داير مع حد واسمى يتجاب ف جمله مفيده مع ان الموضوع لا ينطبق عليا ولا نفس التصرف بس انا بالنسبالها كل حاجه غلط بتسمعها منطبقه عليا .. اوقات كتير مش برد بس بتعب وبتخنق ومع كل ده انا مطلوب منى اعملها كويس عشان عيب وعشان ماخدش ذنب وجربت كل حاجه بقه تجاهل اضراب عن طعام نوم بالايام خناق وزعيق مناقشه بهدوء ادخل حد بينا يفهمها مش نافع

Marshmallow_58142 🇺🇸 · Answer

والله بعمل كده وبتفكرنى بتريق وبلاقى نفسى دخلت ف خناقه بردو هى دلوقت طلبت نكده لو وقفت ع دماغى هتتخانق يعنى هتتخانق حتى لو قعدت ف اوضه بعيده بسمع البرطمه والشتيمه فيا بينها وبين نفسها وبسمع حاجات عن نفسى اول مره اعرفها 🙂

Pineapple_59566 🇪🇬 · Answer

طيب هقولك حاجه لو هي حد كبير ماما مثلا او اختك الكبيره اول ما تدخل ف نقاش وتلاقي الجنونه قامت خد بعضك وامشي انزل م البيت لو هي حبيبتك او مراتك زعق فيها ومتبقاش ضعيف قدامها لان هي كده فارضه سيطرتها عليك ولو هبيت فيها هتسكت هالص

Potato_26031 🇺🇸 · Answer

عندنا نفس المشكلة مع بابا و مفيش حل غير ان احنا مابندخلش معاه في اي نقاشات و اي حاجة عايزها بنعملها و خلاص علي حساب نفسنا و بنحتسب الأجر عند ربنا لأن حياتنا كانت كلها خناقات متواصلة لحد ما بقينا بنعمل كدة الأمور هديت شوية ، لأنه ببساطة عمر النرجسي ما هيتغير و ديما هيفضل ابتلاء لكل اللي حواليه

Marshmallow_58142 🇺🇸 · Answer

والله ما بدخل هى اللى بتدخلنى غصب يعنى مثلا دلوقت شاحن فونها هو شاحنى القديم فونى الجديد بشاحن مختلف .. شاحنها باظ انا مالى بتهزق ليه اقول ده عمر افتراضى عادى الشاحن بقاله مش اقل من ٥ سنين تقريبا مافيش فآيده والمشكله فيا عشان بحط نفس الشاحن بتاعى ف نفس المشترك ايه العلاقه معرفش

Potato_26031 🇺🇸 · Answer

ما احنا نفس الحاجة بردو اي حاجة بتبوظ في البيت لازم يكون ليها سبب و لازم يكون السبب دة طبعا احنا لأن مستحيل يبقي هو ، مش بيقتنع ان في حاجة اسمها عمر افتراضي او قدر أو نصيب او الكلام دة كله و اي حاجة تافههة بتبقي خناقة و مشكلة كبيرة مع ان فعلا الحاجة بسيطة ولا تذكر اصلا

Marshmallow_58142 🇺🇸 · Answer

قبلها صحيت بدرى فبفطر تقولى من امتى بتفطرى دلوقت قولت عادى عشان اصلا ببقى زى دلوقت نايمه.. تقولى مانتى صحيتى اهو فيها ايه لما تعملى كده اقولها بحاول  بس عندى اضطراب نوم واكل لا انتى ده هبل .. الدكتور بتاع الاعصاب بتاعى مره اتعصب منها عشان بيقولها انتى فكره ان ده دلع بس الاشاعه بتقول ان الوضع صعب وممكن يحتاج عمليه كويس انها مستحمله مطلعه فيها القطط الفاطسه ليه .. اتعصبت منه وكرهته وبتقول عليه حمار

Marshmallow_58142 🇺🇸 · Answer

غير انها بسيطه ولا تذكر انها بتاعتى اصلا بفلوسى وانا اللى مديهالك يعنى الخناق كله مالوش اى معنى

Potato_26031 🇺🇸 · Answer

فا احنا زي ما تقول كدة اتعودنت خلاص و بقت اي حاجة تحصل بقينا عارفين انها بحناقة نستنى الخناقة و تحصل و نسيبه يزعق و يتكلم مع نفسه و بنمسك نفسنا عن الرد بالعافية و بعد ما بيسكت خلاص بيبقي كأنه مكانش بيتخانق و بيجي يصالحنا و بنعمل نفسنا اتصالحنا و خلاص بس فعلا فعلا انا عمري ما بكون اتصالحت من جوايا لأن الكلام اللي في الخناقة بيبقي كلام سئ لدرجة انه بيبني حاجز نفسي بيني و بينه

Potato_26031 🇺🇸 · Answer

ايوة اي حد هيطلعهم غلطانين هيبقي حمار و مش بيفهم لأن كن وجهة نظرهم محدش بيفهم غيرهم

Marshmallow_58142 🇺🇸 · Answer

بالظبط انا بعمل كده بس يعنى لحد امتى اكتر من ٣٠ سنه ف العبط ده كتير الانسان عنده طاقه بردو

Potato_26031 🇺🇸 · Answer

والله عايزة اقولك اني ٢٠ سنة و رغم اني عندي اولويات كتير غير الجواز الا اني بدعي اتجوز بني ادم كويس علشان اطلع من البيت دة لأن فعلا فعلا أسلوبه لا يطاق و مكرهني في البيت و جايبلي تروما في حاجات كتير

Marshmallow_58142 🇺🇸 · Answer

وبعدين الفكره ان مافيش غيرى كل هرموناتها ونكدها بيطلع عليا لوحدى ومافيش حد يهون عليا فخلاص نفسيتى اتبهدلت انا كنت صاحيه نشيطه وعندى استعداد اعمل حاجات كتير والله طاقتى اتشفطت مع ان سكت وماكلمتهاش بس مرهقه نفسيا بقه

Potato_26031 🇺🇸 · Answer

فا بإذن الله ربنا يكرمك و تتجوزي و الا حد ما يخف الوضع دة شوية

Marshmallow_58142 🇺🇸 · Answer

فاهماكى جدااااا عامة بس انا بقه الموضوع جاى معايا ان فقدت الثقه ف كل الناس بقول اذا اللى من دمى بتعمل معايا كده اللى المفروض تبقى احن البشر عليا الغريب هيعمل فيا ايه

Potato_26031 🇺🇸 · Answer

ايوة والله عندك حق أسلوبهم بيقفل اليوم

Potato_26031 🇺🇸 · Answer

و انا والله بقول نفس الكلام بس علي الرجالة بقي بقيت حاسة ان كل الرجالة زيه و بقيت بخاف من الجواز بسبب اني خايفة اتجوز حد يطلع زيه و افضل عايشة كدة طول عمري

Marshmallow_58142 🇺🇸 · Answer

هى امى فعلا وماينفعش للاسف اسيب البيت وامشى لان المشكلة هتكبر وهطلع انا اللى فاجره ف الاخر

Marshmallow_58142 🇺🇸 · Answer

ربنا يرزقنا باللينه قلوبهم واللى يعوضنا عن كل وجع اتوجعناه

Pineapple_59566 🇪🇬 · Answer

لو بنت تبقي زيي بس انا فكراكي ولد بس انا بسيبها وادخل اوضتي واحاول اتجنب النقاش بالطريقه دي .. وع فكره الشخصيه النرجسيه دي معايا ماما وحبيبي نفس الوضع بس لقيت طاقتي بتستنظف معاهم وسبت حبيبي ده امي مقدرش اسيبها لان مفروضه عليا لكن حبيبي لا

Marshmallow_58142 🇺🇸 · Answer

بالظبط الاهل مافيش منهم مهرب اى حد تاتى بديه ع دماغه.. لكن حتى مش بعرف اهرب منها ع اوضتى لان رغم انى كبيره جدااااا الا ان ماعنديش اوضه خاصه بيا لحد دلوقت.. ولما بسيبها واروح اى اوضه بتيجى ورايا او بتعلى صوتها وتفضل تهزق فيا بردو