اختي الصغيرة عندها مشاعر ناحية خطيبي - هتجنن!

Question

اكتشفت ان اختي الصغيرة عندها ماشاعر نحية خطيبي كنت ماسكه الفون بتاعها انهاردة لقيت انها كاتبة في النوت بتعتها انها بتغير علي خطيبي مني وانها عندها مشاعر نحيته من ساعتها وانا جايلي زي شلل في دماغي 
ومش عارفة اعمل ايه او اتصرف ازي انا هتجنن

Watermelon_63493 🇪🇬 · Accepted Answer

ولا مشاعر ولا حاجة
دة بيحصل لاي اخت صغيرة
هى بس متلغبطة شايفة واحد غريب بيكلم اختها ومرتبطين قدام بابا وماما وعادى
فالتجربة شداها وشايفاه خارق انه مقبول من البيت عندكم
بس بعدين بمرور الوقت مشاعرها هتستقر انه اخوها عادى
ماتكبريش الموضوع

Croissant_64374 🇪🇬 · Answer

بلاش تحكيلها اي تفاصيل عنكم ولو هي سألت كلامك يكون ف حدود وبطريقة غير مباشرة هو يقلل تعامل وكلام معاها معرفش هتخليه يعمل كدا ازاي لحد ما واحدة واحدة هي تنسى الموضوع وربنا يكرمها ب ابن الحلال

Mango_63110 🇪🇬 · Answer

من كتر ذكرك ايجابياته نفسها حد يعاملها كده هي ما تعرفش الجانب المظلم منه

Orange_61792 🇪🇬 · Answer

بتدوري وراها ليه ؟ ده مش من حقك ،عندها احساس جواها لا عبرت عنه ولا هتعبر عنه و مجرد مشاعر خاصه بيها و هتروح لوحدها
انتي لما دورتي وراها حولتي كل ده لمشكله فعلية و انتي اللي مش هتعرفي تنسي و لا هتعرفي تتعاملي طبيعي 
حاولي تكوني ولا كأنك شوفتي حاجه

French Fries_64307 🇪🇬 · Answer

بصي يا بنتي انا يمكن اكون مش بفهم في الكلام دا و مكتئب بس واجهيها بل الحقيقه وقوللها هو مكتوبلي والكلام دا لو مجبش سكه اعملي محادثه فيك بين خطيبك واي حد وهو بيقول انو بيحبك بس لو هيقولها من نفسو فا تمام لو مضبطش خليه هو يختار بينكو

Coconut_64383 🇴🇲 · Answer

بصي بلاش تظلميها برضو 
يمكن هي عايزة تحس بالحب وأنها بتحب حد وكده وبتشوف خطيبك كتير مثلا ف اتعلقت بيه
ف حاولي تحسسيها أنها محبوبة كفاية 
خصوصا لو هي ف المراهقة
لو مفيش بقى فرق سن بينكم كبير ولا هي كبيرة معدية ال ٢٠ سنة مثلا
ساعتها قولي ل خطيبك يقلل معاها كلام 
وبرضو افضلي جنبها 
لكن لو مراهقة بلعكس اقفي جنبها وخديها ع قد عقلها وهي هطلع الموضوع من دماغها بسرعة

Marshmallow_64395 🇪🇬 · Answer

حاولي تقللي كلام عنه قدامها واتصرفي معاها بطبيعية واهتمي بيها وقربي منها دي مجرد مشاعر وطالما معبرتش عنها هتختفي

Coconut_64383 🇴🇲 · Answer

هما بينقوا طماطم ؟

Donut_64147 🇪🇬 · Answer

هو ممكن يكون بيعاملها بحنيه كااخته مثلا بس هي افتكرت ده حب او اعجاب من ناحيته لازم تواجهيها عشان متتعلقش بي اكتر من كده والمواضيع تكبر قوليلها ده اخوكي الكبير وبكرة ربنا يبعتلك حد كويس كده يعني