كيف أقنع ماما أشيل شعر جسمي وهي مش راضية؟

Question

سؤال مني للبنات بس♀
لو ماما مش راضيه اشيل شعر جسمي اقنعها ازاي ملحوظه احنا الاتنين مش قريبين من بعض خالص وانا ببعتلها رسايل في ورق ومش بترد ولا كأني قولت حاجه اعمل ايه انصحوني وانا مش هعرف اكلمها في وشها علطول بصراحه

French Fries_32968 🇪🇬 · Answer

اعملي الي انتي عايزاه دي نضافه اولا من كلامك انها مش قاعده معاكي في البيت فمش هتاخد بالها

Pear_72995 🇪🇬 · Answer

عندك كام سنه؟ 
في فيديوهات ل مريم صقر ع اليوتيوب كانت بتكلم فيه الامهات عن النظافه الشخصيه ل بناتهم الصغيره ممكن تشوفيها و تبعتي الفيديو ل مامتك او تسمعيه قدامها و علي الصوت بتاع الفون.... 
سواء هى او فيديوهات عن النظافه الشخصيه عموما 
و افضلي زني 
مش لازم تكتبي ف ورق روحي اتكلمي معاها و حاولي تصاحبيها ابدأي انتي ❤

Coffee_62454 🇪🇬 · Answer

لا معايا للاسف وقفشتني قبل كده انا ببعتلها ورق عشان مش بقدر اكلمها

Coffee_62454 🇪🇬 · Answer

شكرا ع المعلومه وهجرب
حاولت اقرب منها بس هي طول الوقت عصبيه ولما بحاول اكلمها بحس ان في عقدة في لساني

Coffee_62454 🇪🇬 · Answer

عندي ١٣

Coffee_62454 🇪🇬 · Answer

وكمانصحابي البنات كلهم مامتهم عهي اللي بدأت وقالتهم الموضوع ده الا انا ماما مقالتليش وبتقول دي حاجه بنعملها بعد الجواز  
وكمان انا خايفه المدرسه تبدأ و بنت تشوف دراعي تتنمر عليا وبجد ساعتها انا مش هسامح ماما

Sugar_72784 🇪🇬 · Answer

في فيديوهات لـ هنادي الخطاب بتتكلم عن النظافة الشخصية في سن المراهقة جربي تسمعيلها هتستفادي جدا وانك ازاي تقنعي مامتك بده واي المفروض تعمليه والي لاء بس برضو حاولي تقربي من مامتك وتصحبيها❤️

Sugar_72784 🇪🇬 · Answer

وضحيلها واتكلمي معاها وان ياماما انا مش صغيره وتحاوري معاها وفهميها واي حاجه ممكن تضايقك من تصرفاتها وجهيها وقوليها يا ماما التصرف الفلاني بيزعلني منك وهكذا بس برضو اعذري  مامتك ومتزعليش منها اكيد بتبقي مضغوطه ❤️

Pear_72995 🇪🇬 · Answer

بصي يا حبيبتي اي ام في الدنيا بتحب بنتها... بس ممكن مثلا شغل البيت ضاغط عليها مخليها عصبيه ممكن محدش حاسس بتعبها برضو ف مخليها كدا حاولي تنقي الوقت اللي تتكلمي معاها فيه.... يعني مثلا وقت تكون قاعده رايقه و بتهزر وتضحك... تقوليهاا انا محتاجه اتكلم معاكي محتاجه تكوني صحبتي و قريبه مني و هتلاقيها بتفتح مجال للكلام مثلا هكذا فاهمه

Pear_72995 🇪🇬 · Answer

مينفعش تواجه مامتها و هى اصلا مش فاتحه مجال للصداقه بينهم.... لازم تقرب منها الاول و بعدين تعرفها ان كذا و كذا بيضايقها.... 
الام مهما كان ام.... ممكن تفهم بطريقه مختلفه عننا شويه... و انها بقا عشان كبرت يبقى تحدد طريقه المعامله معاها..... 
و النتيجه تتقلب ضدها 
اهم حاجه الاول تحاول تصاحبها و تقرب منها

Pear_72995 🇪🇬 · Answer

بصي يا حبيبتي انا كنت زيك و مكنتش قريبه من ماما خاااالص ف نفس السن بتاعك.... و كان برضو بسبب تصرفاتي و ان ماما دايما كانت بتكون عصبيه برضو بس روحت و اتكلمت معاها و قولتلها اني محتاجه انها تكون صحبتي بعد ما وقعت ف مشكله مع صحابي.... و واحده واحده بدات اقرب منها..... و نصيحه اوعي اوعي مهما حصل تأمني ل اي حد على سرك حتى لو صحبتك الروح بالروح

لما هتصاحبي مامتك هتقدري تتكلمي معاها ف اي حاجه حرفيا...

Pear_72995 🇪🇬 · Answer

متقارنيش مامتك ب ام حد من صحابك و مالكيش دعوه بحد من صحابك 
مامتك اتربت بطريقه غير اللي امهات صحابك اتربوا بيها مش قصدي حاجه غلط والله 
بس كل واحد فينا بيتعامل بالطريقه اللي طلع بيها ف مامتك غصب عنها مش متقبله فكره غريبه هى متعاملتش بيها....

Kiwi_70606 🇪🇬 · Answer

بصراحه مستغرب بشده ان ام تهمل بنتها كده في هذه السن الخطيره خلاص يا بنتي الدأي انتي وصاحبي امك وتوددي اليها واحضنيها كل شويه وخليكي معاها في المطبخ اتعلمي الطبيخ ساعديها في غسيل المواعين في تنظيف الشقه ماهو برضه لو انتي مش بتعملي كده يبقي غلطانه امك مسئولياتها كتير خففي عنها الحمل خليها تشعر بأنك بنتها اللي بتساعدها وتحبها ابدأي بنفسك وربنا يوفقك ولاتنسي صلاتك وحجابك خاصة صلاة الفجر بتصلح كل حاجه

Coffee_62454 🇪🇬 · Answer

شكرا ليكي هحاول

Coffee_62454 🇪🇬 · Answer

شكرا ليكي جدا هحاول ❤❤

Banana_72358 🇪🇬 · Answer

طب هى ليه مش راضيه 
يعنى هل انتى كلمتيها و هى رفضت ؟

Coffee_62454 🇪🇬 · Answer

حاجه زي كده
انا ببعتلها رسايل عشان مبقدرش اتكلم وبحس عقده في لساني وهي مبتردش

French Fries_32968 🇪🇬 · Answer

ياحبيبتي دي نضافه هو اي منعاكي

Banana_72358 🇪🇬 · Answer

فى اي جديد ولا الموضوع زى ما هو لسه ؟