معنديش مشاعر لخطيبي.. هل أكمل معاه؟

Question

اعمل ايه لو انا معنديش انجذاب ولا مشاعر ناحية خطيبي ومش بحس حاجة بيقولها ولاعندي شعور متبادل معاه كان في الاول شويه قبول بس بعد ما اتعملت معاه فتره بقى شعور  الرفض بيزيد مع انه انسان كويس هل انه انسان كويس كافي لإني اكمل معاه

Carrot_67634 🇪🇬 · Accepted Answer

لأ مش طبيعي دا، الأفضل تبعدي عنه لو محستيش بمشاعر، مفيش حاجة اسمها المشاعر بعد الجواز... أنت لازم تكوني متحمساله ومتحمسة لجوازكم ويبقى جواكي شعور بإنك عايزة تكونوا سوا في بيت واحد وأمان

Toast_67866 🇪🇬 · Answer

بصي هو مش شرط يكون الانسان كويس وبس لازم يكون في قبول بين الطرفين علشان تعرفو تكملوا مع بعض مش هاقولك صلي استخاره بقي والكلام ده او انتي مش حاسه بحاجه نحيته خلاص انفصلوا وان شاءلله ربنا يعوضك بالاحسن

Ice Cream_63106 🇪🇬 · Answer

سيبه لان مشاعرك بعد الجواز مش هتتغير هتكوني بتظلميه معاكي

Coffee_66952 🇪🇬 · Answer

التفاهم بالله عليكي اهم حاجة يبقى في تفاهم و تتقبلو اراء بعض، لو مش عارفين تعملوا الاتنين دول بلاش والله، عشان لو عندك مشكلة و مش عارفين تتكلمو فيها و تفهمو بعض مش هتقدروا على حاجات تانية كتير

Kiwi_66691 🇪🇬 · Answer

اهم شرط فى الجواز هو القبول إن لم يكن هناك قبول بين الطرفين يلقى كل واحد ياخد طريقة و يبعد عن التانى و ربك هو الرزاق لكن علشان تكنلى بالوصف ده و مفيش بينك وبينه اى مشاعر أو قبول لا ابعدى من الاول

Grape_61307 🇪🇬 · Answer

هو انت تعرفيه بقالك قد ايه وهل ده اول واحد ولا كان فيه حد قبليه والانجاب والمشاعر دي مش بتحسيها من ناحيته هو بس ولا من اي راجل تاني

Coffee_67846 🇪🇬 · Answer

قوليله اللي بتقوليه دلوقتي الصراحه و الوضوح احسن حاجه في الحالات دي و هيحترمك جدا على فكره

Potato_64725 🇪🇬 · Answer

طالما مش حباه خلاص يبقا قولي وامشوا بهدوء

Cherry_67839 🇪🇬 · Answer

نفس القصه تقريبا ومش عارفه اعمل ايه

Coconut_64383 🇴🇲 · Answer

لا مش طبيعي ومتظلميش نفسك ومتظلمهوش ب اختصار الحب مش بالعافية

Coffee_67699 🇪🇬 · Answer

بصي يا بنت الناس خديها نصيحه لو هو كويس و بيتقي ربنا فيكي كملي معاه لان ده اللي هيشيلك لو لاقدر الله تعبتي او جرالك حاجه إنما النحنوح بتاع ال true love هيسيبك و يدور علي غيرك .. ودي نصيحه لوجه الله

Banana_62165 🇪🇬 · Answer

لا متكمليش معاه لان هتظلمى نفسك وتظلميه فبلاش لان لو جالك حد فى الفترة دى وحسيتى من ناحيته بحاجة هتبقى بتظلميه معاكى وخلاص المنطق بيقولك متكمليش ومتسمعيش كلام حد مهما كان قريب منك ولا يقولك مصلحتك ولا مش مصلحتك محدش هيعيش عيشتك

Banana_62794 🇪🇬 · Answer

انتي في مرحله احسن من اي حد . في العادي البنت بتبقا حسه بمشاعر فا بتكون معميه عن مميزات وعيوب الشخص الي معاها . لكن دلوقت هتقدري تشوفيه بشكل حقيقي . خليني اقلك كدا كدا هتحسيله مشاعر حلوه بعد الجواز اطمني .الفكرة ان يكون سلوكوه كويس مش كداب ولا لفاف وصريح وراجل وقد كلامه .جربيه شوفيه ابن اصول ولا لا وسيبك من شكله او لهجته او طريقة لبسه دا كلام اهبل وتقدري تغيري الحجات دي انما الاساس هو الي مبيتغيرش

Avocado_63956 🇪🇬 · Answer

اختي الكريمة صلي استخارة 3 ايام ونامي على طهارة و بعد الثلاث ايام خدي قرارك بالانفصال او انك تكملي بس استخيري عشان متندميش بعد كدا خلي ربنا رقم واحد قدام عينك و معينك تاخدي القرار الصح و ان شاء الله يرزقك بالزوج الصالح عاجلا غير اجلا

Banana_67278 🇪🇬 · Answer

يعني اي كويس بالنسبة ؟
الخلاصه لو الشخص على خلق ودين كملي

Avocado_67808 🇪🇬 · Answer

حسب انت مش قابلاه ليه لكن في المجمل متتجوزيش وانت قافله منه ولازم تصارحيه وتقولي علي النقط اللي سده نفسك منه وساعتها انت هتقدري تاخدي قرارك

Guava_65255 🇪🇬 · Answer

نفس الشيء رغم انه بيحبني بس انا حاسة اني مش قابلاه

Orange_68509 🇪🇬 · Answer

دا شعورك تجاهه.استخيري واستشيري.فكري لو انتي زوجته دلوقتي هتعامليه ازاي هتقدري ولا ايه.حطي ف بالك مش كل البيوت تبنى ع الحب.معظمها على الموده والعشره الطيبه.لو تقدري كملى مش لاقياه نفسك ارفضي وربنا يرزقك ويرزقه الخير

Mushroom_67130 🇪🇬 · Answer

بقولك  // انتي نفسك في ايه  واحساسك الداخلي ييقولك ايه  ؟؟