بعيد عن ربنا ومش عارف أحافظ على الصلاة

Question

جماعة انا بقيت بعيد أوي عن ربنا وكل ما أقدم خطوة ارجع 100 وكل انتكاسة بتكون أشد من اللي قبلها اعمل ايه عشان اعرف اتوب بجد وتحافظ على الصلاه انا يمكن قعدت اسبوع من غير ولا ركعه حتى والمثيره إني بكون صاحي وقت الفجر كل يوم وبكون في الشغل ومبقتش اصلي اعمل إيه

Banana_74835 🇪🇬 · Accepted Answer

بص انت مفيش حاجه تعملها غير انك تعرف انها مش ب قوتك ولا شطارة منك دي ب توفيق ربنا .. و في ايات بتقول كلامي ده .
المطلوب منك انك تدعي تقول يا رب انا عبدك الضعيف عيني اصلي و خليني اصلي و لما تصلي الصلاه تحمد ربنا انه خلاك تصليها من الاخر اعرف انها مش بشطارتك ولا ب قوتك
و الراجل صلاته ف الجامع يعني تسمع الصلاه تقوم تجهز علطول و تنزل تصلي ف ساعتها هتلاقي الموضوع بقي سهل. و انها لكبيرة الا علي الخاشعين

Waffle_65620 🇸🇦 · Answer

خليك متوضي على طول هتلاقي مفيش بينك و بين الصلاه غير انك تقول الله أكبر
تواصل مع ربنا و صلي و قول اللهم اعني على ذكرك وشكرك وحسن عبادتك و ربنا بإذنه هيعينك

Candle_68397 🇪🇬 · Answer

خذ القضيه بأهمية الحياة او شئ اساسي زي الاكل والشرب في حياتك وانك مينفعش متعملهاش زي الوجبات الاساسيه  هتقدر 
لو سمعت الاذان وتركت كل شئ و صليت هتقدر 
لو قرأت سورة ق صباحا ومساءا هتقدر 
سأل احد الصالحين لما تأتي المسجد قبل الاذان بوقت كبير قال الاذان للفافلين 
استغفر الله علي مافعلت وعد الي الله وتذكر قول الله  لسيدنا النبي  (وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ * فَسَبِّحْ بِحَمْدِ رَبِّكَ وَكُن مِّنَ السَّاجدين)

Mango_52619 🇪🇬 · Answer

افضل جاهد نفسك وحاول مره واتنين ومليون ومتيأسش ابدًا وافتكر ان الذين جاهدوا فينا لنهدينهم سبلهم .. واكيد هتيجي ف مره وتضبط وادعي ربنا كتير اوي اوي يثبتك ويقربك ليه الدعاء بيغير كل حاجة حرفيًا .. حاول تشوف فيديوهات كتير دينية وبودكاستات وكدا .. في طريقة حلوه برضو انك تعمل دفتر او فولدر في الفون تحتفظ بيه بكل الحاجات الي لما تقراها او فيديوهات تسمعها تحركك من جوا وتحس انك عايز تقوم تصلي بحيث انك كل ما

Mango_52619 🇪🇬 · Answer

كل ما تحس بكسل للصلاة تفتح وتقرا الحاجات الي انت مسيفها ف تتشجع وتروح تصلي .. سواء بقى احاديث قدسية او تفكر نفسك بالعقاب .. ان الصلاة دي اول حاجة هيتحاسب عليها المرء فلو صلحت صلح باقي الاعمال ولو فسدت فسد كل حاجة .. واعرف ان دا ابتلاء من ربنا عشان يشوفك هتصبر ولا هتستسلم ف انت اصبر وحاول كتير وهتلتزم في مره وحاول تقطع كل الذنوب الي بتعملها عشان هيا بتكون سبب في الكسل في العباده وعدم الخشوع

Strawberry_74125 🇪🇬 · Answer

كثر من الاستغفار
حافظ عل الوضوء
حمل برنامج الاذان بيساعدك ويذكرك
وخصوصا كلمه الله اكبر
الله اكبر وأهم من كل شيئ
الدعاء يارب أعني عل الصلاه